🔯বঙাইগাঁৱত ৪০০ সংখ্যক লাচিত বৰফুকনৰ জয়ন্তী উপলক্ষ্যে ভলীবল, বেডমিন্টন, আকস্মিক বক্তৃতা, দেশপ্ৰেমমূলক গীতৰ প্ৰতিযোগিতা 🔯

🔯বঙাইগাঁৱত ৪০০ সংখ্যক লাচিত বৰফুকনৰ জয়ন্তী উপলক্ষ্যে ভলীবল, বেডমিন্টন, আকস্মিক বক্তৃতা, দেশপ্ৰেমমূলক গীতৰ প্ৰতিযোগিতা 🔯

📝বঙাইগাঁওঃ২২ নবেম্বৰ: নিজৰ মোমায়েকৰ শিৰচ্ছেদ কৰি যুদ্ধ বিজয়ী কৰি অসম বুৰঞ্জীৰ পাতত সোণালী আখৰেৰে নাম    উজ্জ্বলাই তুলিবলৈ সক্ষম হোৱা বীৰ সেনানায়ক লাচিত বৰফুকনৰ ৪০০ সংখ্যক জয়ন্তী উপলক্ষ্যে মুখ্যমন্ত্ৰী হিমন্ত বিশ্ব শৰ্মা নেতৃত্বাধীন ৰাজ্য চৰকাৰে লৈছে বিশেষ উদ্যোগ। ইয়াৰ অংশ হিচাপে ৰাজ্য চৰকাৰৰ নিৰ্দেশনামৰ্মে আন আন জিলাৰ লগতে বঙাইগাঁও জিলা প্ৰশাসনৰ উদ্যোগত আৰু বিভিন্ন বিভাগৰ সহযোগত জিলাখনৰ বিভিন্ন স্থানত বিভিন্ন কাৰ্যসূচী গ্ৰহণ কৰা হৈছে। মঙলবাৰে এই উপলক্ষ্যে বৰ্ষণগাঁওস্থিত চিলাৰায় ষ্টেডিয়ামত ছোৱালীৰ ভলীবল প্ৰতিযোগিতা অনুষ্ঠিত কৰা হয় ৷ আনহাতে বৰপাৰাত থকা চিলাৰায় ইণ্ডোৰ ষ্টেডিয়ামত ছাত্ৰ-ছাত্ৰীৰ মাজত বেডমিন্টন প্ৰতিযোগিতা অনুষ্ঠিত কৰা হয়। 

এই বেডমিন্টন প্ৰতিযোগিতা উদ্বোধন কৰে জিলা উপায়ুক্ত নবদ্বীপ পাঠকে। সেইদৰে পুৱাৰে পৰা পাগলাস্থান, বাঁহ বজাৰ আদিত বাটৰ নাট অনুষ্ঠিত কৰা হয়।ইফালে শিক্ষা বিভাগৰ অধীনত বীৰঝৰা পাব্লিক লাইব্ৰেৰীত প্ৰাথমিক বিদ্যালয়ৰ পৰা উচ্চতৰ মাধ্যমিক বিদ্যালয়ৰ শিক্ষক-শিক্ষয়িত্ৰীৰ মাজত আকস্মিক বক্তৃতা প্ৰতিযোগিতা আৰু দেশপ্ৰেমমূলক গীতৰ প্ৰতিযোগিতা অনুষ্ঠিত কৰা হয়।আকস্মিক বক্তৃতা প্ৰতিযোগিতাৰ বিচাৰক আছিল ড:ৰূপাঞ্জলী দেৱী, হৰেশ্বৰ নাথ আৰু ড:শুভদ্ৰা দাস বড়ো। সকলো অংশগ্ৰহণকাৰীকে অংশগ্ৰহণৰ প্ৰমাণপত্ৰ দিয়া হয়। আনহাতে দেশপ্ৰেমমূলক গীত প্ৰতিযোগিতাৰ বিচাৰক আছিল  নন্দ কিশোৰ চৌধুৰী, দীপক দাস আৰু সনট দাস। একেদৰে চলন্তাপাৰা এম ভি স্কুলত স্বাস্থ্য শিবিৰ এটিও অনুষ্ঠিত কৰা হয়।🔯