🔯কাইলৈৰ পৰা বঙাইগাঁৱত সদৌ অসম মাধ্যমিক বিদ্যালয় কাৰ্য্যালয় সহায়ক সংস্থাৰ অষ্টাদশ দ্বি-বার্ষিক ৰাজ্যিক অধিবেশন🔯

🔯কাইলৈৰ পৰা বঙাইগাঁৱত সদৌ অসম মাধ্যমিক বিদ্যালয় কাৰ্য্যালয় সহায়ক সংস্থাৰ অষ্টাদশ দ্বি-বার্ষিক ৰাজ্যিক অধিবেশন🔯

📝বঙাইগাঁওঃ ২৫ নবেম্বৰঃ সদৌ অসম মাধ্যমিক বিদ্যালয় কাৰ্য্যালয় সহায়ক সংস্থাৰ অষ্টাদশ দ্বি-বার্ষিক ৰাজ্যিক অধিবেশনখনি কাইলৈ (২৬ নবেম্বৰ) ৰ পৰা বঙাইগাঁও জিলা সমিতিৰ আতিথ্যত দুদিনীয়াকৈ সীমিত কাৰ্য্যসূচীৰে বঙাইগাঁওস্থিত বীৰঝৰা উচ্চতৰ মাধ্যমিক বিদ্যালয় প্ৰাংগণত অনুষ্ঠিত হ'ব ৷ ইতিমধ্যে যুগুত কৰি উলিওৱা কাৰ্যসূচী অনুসৰি ২৬ নবেম্বৰৰ বিয়লি ১ বজাত প্রতিনিধিৰ নাম পঞ্জীয়ণ , বিয়লি ২ বজাত  ৰাজ্যিক কাৰ্য্যনিৰ্বাহকৰ অন্তিম সভা আৰু বিয়লি ৫ বজাত প্ৰতিনিধি শিবিৰ মুকলি ৷ প্ৰতিনিধি শিবিৰ মুকলি কৰিব জিলাৰ অতিৰিক্ত উপায়ুক্ত শ্যামল ক্ষেত্ৰ গগৈয়ে ৷ সন্ধিয়া ৬ বজাত প্ৰতিনিধি সভাৰ প্ৰথম বৈঠক উদ্বোধন কৰিব জিলা প্ৰাথমিক শিক্ষা বিষয়া তথা বিদ্যালয়সমূহৰ পৰিদৰ্শক আৰু অধিৱেশনৰ অভ্যৰ্থনা সমিতিৰ সভাপতি জ্যোৎস্না ৰাণী বৰ্মনে ৷ নিশা ৮ বজাত অনুষ্ঠিত হ'ব প্রতিনিধি সভাৰ দ্বিতীয় বৈঠক ৷ আনহাতে ২৭ নৱেম্বৰৰ পুৱা ৮.৩০ বজাত সদৌ অসম মাধ্যমিক বিদ্যালয় কাৰ্য্যালয় সহায়ক সংস্থাৰ ১৮ সংখ্যক দ্বি-বার্ষিক অধিবেশনৰ পতাকা উত্তোলন কৰিব সভাপতি হৰিশ কুমাৰ শইকীয়াই আৰু পুৱা ৯ বজাত বন্তি প্রজ্বলন তথা স্মৃতি তর্পণ কৰিব কেন্দ্ৰীয় সমিতিৰ মুখ্য উপদেষ্টা দিলীপ শৰ্মাই ৷ পুৱা গছপুলি ৰোপণ কৰিব বীৰঝৰা উচ্চতৰ মাধ্যমিক বিদ্যালয়ৰ অধ্যক্ষ কিশোৰ কুমাৰ দাস আৰু বীৰঝৰা ছোৱালী উচ্চতৰ মাধ্যমিক বিদ্যালয়ৰ অধ্যক্ষ শচীন শীল শৰ্মাই ৷ পুৱা ১০ বজাত স্মৃতিগ্ৰন্থ উন্মোচন আৰু আদৰণী অনুষ্ঠান ৷ অনুষ্ঠানত বঙাইগাঁও বিধান সভা সমষ্টিৰ বিধায়ক ফণীভূষণ চৌধুৰী, সদৌ অসম কৰ্ম্মচাৰী পৰিষদৰ উপদেষ্টা প্রদীপ দত্ত, সম্পাদক প্রধান দিলীপ কলিতা আৰু সদৌ অসম আমোলা সংস্থাৰ সম্পাদক সত্য নাৰায়ণ ৰায়ে বিশিষ্ট অতিথি হিচাপে উপস্থিত থাকিব ৷ আনহাতে স্মৃতিগ্ৰন্থ উন্মোচন কৰিব বঙাইগাঁৱৰ বিশিষ্ট সাহিত্যিক ড° শান্তনাময়ী মজুমদাৰে ৷ দিনৰ ১ বজাত প্ৰতিনিধি সভাৰ অন্তিম বৈঠক আৰু ইয়াৰ পিচতে পুৰণা সমিতি ভংগ আৰু নতুন সমিতি গঠন কৰা হ'ব ৷ বিয়লি ৪ বজাত পতাকা অবনমনেৰে অধিৱেশনৰ কাৰ্যসূচীৰ সামৰণি পৰিব ৷ ইতিমধ্যে অভ্যৰ্থনা সমিতিৰ সম্পাদক শংকৰ সৰকাৰে জানিবলৈ দিয়া মতে অধিৱেশনৰ সকলো প্ৰস্তুতি সম্পন্ন কৰি তুলিছে ৷ 🔯