🔯বঙাইগাঁও জিলাৰ অভয়াপুৰীত জিলা মাটি পৰীক্ষা আৰু মান নিয়ন্ত্ৰক পৰীক্ষাগাৰৰ শুভ উদ্বোধন🔯

🔯বঙাইগাঁও জিলাৰ অভয়াপুৰীত জিলা মাটি পৰীক্ষা আৰু মান নিয়ন্ত্ৰক পৰীক্ষাগাৰৰ শুভ উদ্বোধন🔯

📝বঙাইগাঁওঃ ১৬ নৱেম্বৰঃ গুৱাহাটীৰ খানাপাৰাস্থিত পশু চিকিৎসা বিজ্ঞান মহাবিদ্যালয়ৰ খেলপথাৰত ৰাজ্য চৰকাৰৰ কৃষি বিভাগৰ দ্বাৰা আয়োজিত এক অনুষ্ঠানৰ লগত সংগতি ৰাখি বঙাইগাঁও জিলাৰ অভয়াপুৰীস্থিত উত্তৰ শালমাৰা মহকুমা কৃষি বিষয়াৰ কাৰ্যালয় চৌহদত বুধবাৰে সকলো জিলা বিষয়া আৰু কৰ্মচাৰীৰ সহযোগত এক অনুষ্ঠান অনুষ্ঠিত হয়। উক্ত অনুষ্ঠানতে অভয়াপুৰীস্থিত উত্তৰ শালমাৰা মহকুমা কৃষি বিষয়াৰ কাৰ্যালয় চৌহদত গ্ৰাম্য আন্ত:গাঁথনি উন্নয়ন পূঁজিৰ অধীনত নতুনকৈ নিৰ্মিত "জিলা মাটি পৰীক্ষা আৰু মান নিয়ন্ত্ৰক পৰীক্ষাগাৰ"টি জিলাখনৰ কৃষক ৰাইজৰ সুবিধাৰ্থে অসমৰ মুখ্যমন্ত্ৰী ড° হিমন্ত বিশ্ব শৰ্মাই ভাৰ্চুৱেল পদ্ধতিৰে শুভ উদ্বোধন কৰাৰ লগতে অসম মিলেট অভিযানৰ শুভাৰম্ভণি কৰে ৷ 

একেটা অনুষ্ঠানত হিতাধিকাৰীৰ মাজত বিভিন্ন কৃষি যন্ত্ৰপাতি আৰু সামগ্ৰীৰ বিতৰণ কৰে। বঙাইগাঁও জিলাৰ অভয়াপুৰীস্থিত উত্তৰ শালমাৰা মহকুমাৰ অন্তৰ্গত বীৰপাৰাৰ জনাৰ্দন সৰকাৰক মুখ্যমন্ত্ৰী সমগ্ৰ গ্ৰাম্য উন্নয়ন যোজনাৰ অধীনত এখন মিনি ট্ৰাক আৰু গ্ৰাম্য আন্তঃগাঁথনি উন্নয়ন পুঁজিৰ অধীনত উত্তৰ শালমাৰাৰ অৰুণ ৰায়ক সৌৰ পিভি পাম্প চেট এটা মুখ্যমন্ত্ৰী ড° হিমন্ত বিশ্ব শৰ্মাই প্ৰদান কৰে। উল্লেখ্য যে গুৱাহাটীৰ খানাপাৰাস্থিত পশু চিকিৎসা বিজ্ঞান মহাবিদ্যালয়ৰ খেলপথাৰত আয়োজিত এক অনুষ্ঠানত অসমৰ মুখ্যমন্ত্ৰী ড° হিমন্ত বিশ্ব শৰ্মাই হিতাধিকাৰীৰ মাজত বিভিন্ন কৃষি যন্ত্ৰপাতি আৰু সামগ্ৰীৰ বিতৰণ কৰে। লগতে অসম মিলেট অভিযানৰ শুভাৰম্ভণি কৰে আৰু ভাৰ্চুৱেল পদ্ধতিৰে ৬  টা মাটি পৰীক্ষা আৰু মান নিয়ন্ত্ৰক পৰীক্ষাগাৰ, ২ টা জ্ঞান কেন্দ্ৰৰ শুভ উদ্বোধন কৰে। ইপিনে অভয়াপুৰীস্থিত উত্তৰ শালমাৰা মহকুমা কৃষি বিষয়াৰ কাৰ্যালয় চৌহদত অনুষ্ঠিত অনুষ্ঠানত জিলা উন্নয়ন আয়ুক্ত ভাস্কৰ দাস, জিলা কৃষি বিষয়া অমৃত লাল নাৰ্জাৰী, মহকুমা কৃষি বিষয়া পৰেশ চন্দ্ৰ ৰায়ৰ লগতে আন আন বিষয়াসকল আৰু প্ৰায় দুই শতাধিক কৃষক উপস্থিত থাকে। উল্লেখ্য যে "জিলা মাটি পৰীক্ষা আৰু মান নিয়ন্ত্ৰক পৰীক্ষাগাৰ"টি মুকলি হোৱাৰ ফলস্বৰূপে এতিয়াৰে পৰা জিলাখনৰ কৃষকসকলে নিজৰ কৃষিভূমিৰ গুণগত মানদণ্ড স্থানীয়ভাৱে পৰীক্ষা কৰিব পাৰিব৷ যিয়ে কৃষকসকলক যথেষ্ট উপকৃত কৰিব বুলি স্থানীয় কৃষকসকলে মত প্ৰকাশ কৰে।🔯