🔯বঙাইগাঁৱৰ টেঙাইগাঁৱত বৰ্ণাঢ্য জনগোষ্ঠীয় উৎসৱ🔯

🔯বঙাইগাঁৱৰ টেঙাইগাঁৱত বৰ্ণাঢ্য জনগোষ্ঠীয় উৎসৱ🔯

📝বঙাইগাঁওঃ ১৬ নবেম্বৰ:সমগ্ৰ শিক্ষা বঙাইগাঁৱৰ উদ্যোগত আৰু টেঙাইগাঁও  মণ্ডল সমল কেন্দ্ৰৰ সৌজন্যত বুধবাৰে বঙাইগাঁও জিলা শিক্ষাখণ্ডৰ অধীনৰ টেঙাইগাঁও উচ্চতৰ মাধ্যমিক বিদ্যালয় প্ৰাঙ্গণত জনগোষ্ঠীয় উৎসৱ -২০২২ উদযাপন কৰা হয় ৷ জনগোষ্ঠীয় উৎসৱত টেঙাইগাঁও  মণ্ডল সমল কেন্দ্ৰৰ অধীনৰ মণ্ডল সমল কেন্দ্ৰৰ মুঠ ৯ খন বিদ্যালয়ৰ ছাত্ৰ ছাত্ৰী,শিক্ষক - শিক্ষয়িত্ৰী আৰু অভিভাৱক সকলে অংশ গ্ৰহণ কৰে৷ এই উপলক্ষ্যে পুৱাৰ ভাগত পতাকা উত্তোলন,ছহিদবেদীত পুষ্পাঞ্জলি নিবেদন আৰু বৃক্ষৰোপণ কাৰ্যসূচী সম্পাদনা কৰা হয় ৷ইয়াৰ পিছতে  টেঙাইগাঁও উচ্চতৰ মাধ্যমিক বিদ্যালয় চৌহদৰ পৰা ৰাভা, বড়ো, কোচৰাজবংশী, বেংগলী, ধৰ্মীয় সংখ্যালঘু আদি জাতি- জনগোষ্ঠীৰ এক বৰ্ণাঢ্য সাংস্কৃতিক শোভাযাত্ৰা উলিওৱা হয়  ৷ 

বঙাইগাঁও শিক্ষা বিভাগৰ সহকাৰী পৰিদৰ্শক ভদ্ৰাৱতী বৰ্মনে সাংস্কৃতিক শোভাযাত্ৰাৰ শুভ উদ্ধোধন কৰে ৷ লক্ষ্যণীয়, জনগোষ্ঠীয় উৎসৱৰ লগত সংগতি ৰাখি 'ৰেঙনি' নামৰ এখন প্ৰাচীৰ পত্ৰিকা উন্মোচন কৰা হয় ৷ বিশিষ্ট বিশিষ্ট সমাজকৰ্মী তথা টেঙাইগাঁও উচ্চতৰ মাধ্যমিক বিদ্যালয় পৰিচালনা সমিতিৰ সভাপতি বলেন চন্দ্ৰ সিংহ দেৱে প্ৰাচীৰ পত্ৰিকাখনিৰ শুভ উন্মোচন কৰে ৷ এক উথপথপ পৰিৱেশৰ মাজত উদযাপিত জনগোষ্ঠীয় উৎসৱত বিভিন্ন জাতি,জনগোষ্ঠীৰ বিভিন্ন কলা কৃষ্টি আৰু নৃত্য প্ৰদৰ্শন কৰে ৷ তদুপৰি অনুষ্ঠানৰ লগত সংগতি ৰাখি ছাত্ৰ ছাত্ৰী সকলৰ মাজত বিভিন্ন প্ৰতিযোগিতা অনুষ্ঠিত কৰা হয় ৷ লগতে বিয়লিৰ ভাগত মুকল অনুষ্ঠিত হয়৷🔯