🔯আজাদী কা অমৃত মহোৎসৱ উপলক্ষ্যে বঙাইগাঁৱত জনসংযোগ বিভাগৰ আলোচনা সভা🔯

🔯আজাদী কা অমৃত মহোৎসৱ উপলক্ষ্যে বঙাইগাঁৱত জনসংযোগ বিভাগৰ আলোচনা সভা🔯

📝বঙাইগাঁওঃ ২৭ নবেম্বৰঃ  বঙাইগাঁও জিলা তথ্য আৰু জনসংযোগ বিষয়াৰ কাৰ্যালয়ৰ উদ্যোগত বীৰঝৰা পাব্লিক লাইব্ৰেৰীত আজি আজাদী কা অমৃত মহোৎসৱৰ লগত সংগতি ৰাখি স্বাধীনতা যুঁজাৰুৰ প্ৰতি শ্ৰদ্ধা জনাই এখন আলোচনা সভা অনুষ্ঠিত কৰা হয়। সভাত মুখ্য অতিথি হিচাপে উপস্থিত থাকে বঙাইগাঁও জিলাৰ অতিৰিক্ত উপায়ুক্ত মগেন নৰহ। তেওঁ বন্তি প্ৰজ্জ্বলনেৰে সভাৰ শুভাৰম্ভণী কৰে৷ ভাষণ প্ৰসংগত অতিৰিক্ত উপায়ুক্তগৰাকীয়ে কয় যে যিসকল স্বাধীনতা যুঁজাৰুৰ অশেষ কষ্ট আৰু ত্যাগৰ বলত আমাৰ দেশে স্বাধীনতা লাভ কৰিলে, তেওঁলোকক আমি শ্ৰদ্ধাৰে স্মৰণ কৰিব লাগে। এই আলোচনা সভাত অৱসৰপ্ৰাপ্ত প্ৰশাসনিক বিষয়া ৰোহিণী কুমাৰ চৌধুৰী, অভয়াপুৰী কলেজৰ ইংৰাজী বিভাগৰ অধ্যাপক ৰাজেশ তিৱাৰী, বিশিষ্ট নাগৰিক প্ৰভাত বৈষ্ণৱ আৰু বঙাইগাঁও জিলা মুক্তি যুঁজাৰু সন্মীলনিৰ কাৰ্যকৰী সভাপতি আদিত্য কুমাৰ নাথে মূল বক্তা হিচাপে ভাষণ ৰাখে ৷

সভাত কাৰ্যকৰি সভাপতি নাথে স্বাধীনতা সংগ্ৰামৰ সৈতে জড়িত হৈ অৱদান আগবঢ়োৱা জিলাখনৰ প্ৰয়াত স্বাধীনতা সংগ্ৰামীসকলৰ বিষয়ে উল্লেখ কৰি কয় যে এওঁলোকৰ অৱদানৰ বিষয়ে কোনো চৰ্চা নোহোৱাৰ ফলত পাহৰণিৰ গৰ্ভত বিলিন হোৱাৰ উপক্ৰম হৈছে ৷ আনকি স্বাধীনতা সংগ্ৰামৰ সৈতে জড়িত কিছুমান ব্যক্তিৰ নাম এতিয়াও জনা নগ'ল ৷ সভাত বঙাইগাঁও জিলা মুক্তি যুঁজাৰু সন্মীলনীৰ সভাপতি ৰমেন দাস, জ্যেষ্ঠ সাংবাদিক ৰঞ্জিত কুমাৰ শৰ্মা, তেজেশ ত্ৰিপাঠী আৰু প্ৰণৱ কুমাৰ ডেকা, বীৰঝৰা কন্যা মহাবিদ্যালয়ৰ অধ্যক্ষ গগণ শৰ্মা, বীৰঝৰা উচ্চতৰ মাধ্যমিক বিদ্যালয়ৰ অধ্যক্ষ কিশোৰ দাস, জ্যেষ্ঠ নাগৰিকসকল, মুক্তি যুঁজাৰু পৰিয়ালৰ সদস্যসকল, বঙাইগাঁও জিলা সাহিত্য সভাৰ বিষয়ববীয়া ,বঙাইগাঁও কলেজ আৰু বীৰঝৰা উচ্চতৰ মাধ্যমিক বিদ্যালয়ৰ ছাত্ৰ-ছাত্ৰী তথা সাংবাদিকসকল উপস্থিত থাকে। জিলা তথ্য আৰু জনসংযোগ বিষয়া বিনু ৰাণী ৰাজবংশীয়ে সভাৰ উদ্দেশ্য ব্যাখ্যা কৰা অনুষ্ঠানৰ আঁত ধৰে মুকুন্দ ৰায়ে।🔯