🔯দুই ডিচেম্বৰত ছবি গৃহলৈ আহিব বাহাৰুল ইছলামৰ দ্যা চেভেন্থ ষ্ট্ৰিং🔯

 

🔯দুই ডিচেম্বৰত ছবি গৃহলৈ আহিব বাহাৰুল ইছলামৰ দ্যা চেভেন্থ ষ্ট্ৰিং🔯

🔯বঙাইগাঁৱত ছবিখনৰ প্ৰচাৰ চলালে পৰিচালক বাহাৰুল ইছলাম- মুখ্য অভিনেত্ৰী বৰ্ষা বাহাৰে🔯

📝বঙাইগাঁওঃ ২৭ নৱেম্বৰঃ অহা দুই ডিচেম্বৰত মুক্তি পাব চলচ্চিত্ৰ পৰিচালক, অভিনেতা বাহাৰুল ইছলামৰ নৱতম কথাছবি ''দ্যা চেভেন্থ ষ্টিং''৷ এই উপলক্ষে অসমীয়া কথাছবিখনৰ প্ৰচাৰৰ বাবে কথাছবিখনৰ পৰিচালক তথা প্ৰযোজক বাহাৰুল ইছলামে দেওবাৰে বঙাইগাঁও চহৰৰ হোটেল জাহ্নৱী ৰিজেন্সীত ছবিখনৰ লগত জড়িত কলা কুশলী লৈ  উপস্থিত হয় ৷ উল্লেখ্য যে কথাছবিখনৰ প্ৰমোচন উপলক্ষে হোটেল জাহ্নৱী ৰিজেন্সীত শতাধিক ছাত্ৰ-ছাত্ৰীৰ অংশ গ্ৰহণেৰে দ্যা চেভেন্থ ষ্ট্ৰিং চিত্ৰাংকণ প্ৰতিযোগিতাৰ আয়োজন কৰা হয় ৷ এই অনুষ্ঠানতে ফ্লাইং ছিগাল প্ৰডাকশ্যনৰ বেনাৰত নিৰ্মিত দ্যা চেভেন্থ ষ্ট্ৰিং কথাছবিৰ মুল অভিনেত্ৰী, কাহিনীকাৰ বৰ্ষা বাহাৰ, অভিনেতা প্ৰশান্ত কলিতা সহ এটি দল উপস্থিত থাকি উপস্থিত সকলৰ স'তে মত বিনিময় কৰে ৷ বাহাৰুল ইছলামৰ দ্যা চেভেন্থ ষ্ট্ৰিং কথাছবিথনে ইতিমধ্যে দেশ- বিদেশৰ বিভিন্ন ঠাইত প্ৰদৰ্শিত হোৱাৰ লগতে কেবাটাও ৰাষ্ট্ৰীয় -আন্তঃ ৰাষ্ট্ৰীয় বঁটা লাভ কৰিবলৈ সক্ষম হৈছে ৷ ছবিখনৰ পৰিচালক তথা প্ৰযোজক বাহাৰুল ইছলামে প্ৰকাশ কৰা মতে, কথাছবিখনে কেবাটাও ৰাষ্ট্ৰীয় আৰু আন্তঃৰাষ্ট্ৰীয় বঁটা পাইছে যদিও দৰ্শকে কথাছবিখনক আকোৱালি লৈ হৃদয়ংগম কৰিলেহে তেওঁলোকৰ লক্ষ্য সাৰ্থক হ'ব ৷ 

তেওঁৰ কন্যাৰ এটি গল্পৰ আধাৰত নিৰ্মিত ছবিখনত নিষ্ঠা নামৰ এগৰাকী তৰুণী (প্রটাগনিষ্ট)ৰ কৈশোৰ কালত সংঘটিত প্রেমজনিত এক দুর্ঘটনাই কিদৰে তেওঁৰ পৰৱৰ্তী জীৱন যাত্ৰাত ধামণুমীয়াৰ সৃষ্টি কৰিছে তাকেই সংবেদনশীলতাৰে প্ৰতিফলিত  কৰা হৈছে বুলি উল্লেখ কৰে ৷ লগতে ছবিখন চাই দৰ্শকে বেয়া নাপাব বুলিও কয় ৷ ছবিখনত পূর্ণিমা পাঠক শ‍ইকীয়া, ভাগীৰথী, জিলমিল হাজৰিকা, ডাঃ জয়ন্ত দাস, বৰ্ষা বাহাৰ, কুনাল শৰ্মা, সিদ্ধার্থ মুখার্জী, ৰাহুল গৌতম শৰ্মা, দিনেশ কাকতি, আচফাক খান, গুণগুণ, বিনোদ লালা দাস, জিয়া বাহাৰ,ৰাজীৱ ক্ৰু,  মেঘালি কলিতা, নেইন ইবটিজাম, দেৱজিত বৰঠাকুৰ, ৰাজকুমাৰ শ্বাহ, মুন ৰাজীৱ, কল্লোল নাথ, প্রশান্ত কলিতা, দ্বীপজ্যোতি মিশ্র, মুনমী গগৈ আদিয়ে অভিনয় কৰিছে ৷ উল্লেখ্য যে চিত্ৰাংকণ প্ৰতিযোগিতা অনুষ্ঠিত হোৱাৰ পাছত শ্ৰেষ্ঠ বিবেচিত প্ৰতিযোগী সকলক পুৰস্কাৰ প্ৰদান কৰা হয় ৷ অনুষ্ঠানটোত ছিগালৰ সমন্বয়ক নমিতা বসুমতাৰী, হেমন্ত কোচ, আৰু হোটেল জাহ্নৱী ৰিজেন্সীৰ পৰিচালন সঞ্চালক প্ৰবীণ কুমাৰ বৈশ্য উপস্থিত থাকে ৷🔯