🔯২৬ - ২৭ নবেম্বৰত বঙাইগাঁৱত সদৌ অসম জিলা প্রশাসন কৰ্মচাৰী সন্থাৰ দ্বাদশ দ্বি-বার্ষিক কেন্দ্ৰীয় অধিৱেশনখন🔯

🔯২৬ - ২৭ নবেম্বৰত বঙাইগাঁৱত সদৌ অসম জিলা প্রশাসন কৰ্মচাৰী সন্থাৰ দ্বাদশ দ্বি-বার্ষিক কেন্দ্ৰীয় অধিৱেশনখন🔯

 🔯মুখ্যমন্ত্ৰী, বিত্তমন্ত্ৰী আৰু গ্ৰামোন্নয়নমন্ত্ৰীক আমন্ত্ৰণ🔯

📝বঙাইগাঁওঃ ২৫ নবেম্বৰঃ সদৌ অসম জিলা প্রশাসন কৰ্মচাৰী সন্থাৰ দ্বাদশ দ্বি-বার্ষিক কেন্দ্ৰীয় অধিৱেশনখন ২৬ আৰু ২৭ নবেম্বৰত বঙাইগাঁও চহৰৰ ‘বীৰঝৰা পাব্লিক লাইব্ৰেৰী’ত দুদিনীয়া কাৰ্যসূচীৰে অনুষ্ঠিত হ'ব ৷ অধিৱেশনৰ কাৰ্যসূচী অনুসৰি ২৬ নবেম্বৰ (শনিবাৰ) ৰ পুৱা ৮ বজাত প্রতিনিধি শিবিৰ মুকলি আৰু নাম পঞ্জীয়ন। প্ৰতিনিধি শিবিৰ মুকলি কৰিব জিলা উন্নয়ণ আয়ুক্ত ভাস্কৰ দাসে ৷ ইয়াৰ পিচতে পুৱা ৯ বজাত সন্থাৰ পতাকা উত্তোলন কৰিব সন্থাৰ কেন্দ্ৰীয় সমিতিৰ সভাপতি গোপীনাথ দত্তই আৰু স্মৃতি তর্পণ কৰিব সাধাৰণ সম্পাদক ৰঞ্জন ৰাইদঙ্গীয়াই ৷ পুৱা ১০.৩০ বজাত জিলা উপায়ুক্ত কাৰ্যালয়ৰ সভাকক্ষত অনুষ্ঠিত হ'ব কেন্দ্রীয় কার্যনিবাহক সভা আৰু দিনৰ দুই বজাত অনুষ্ঠিত হ'ব অন্তৰঙ্গ আলাপ আৰু প্ৰাক্তন কৰ্মচাৰীৰ সম্বৰ্দ্ধনা অনুষ্ঠান ৷ বীৰঝৰা পাব্লিক লাইব্ৰেৰীত অনুষ্ঠিত হ'বলগীয়া অনুষ্ঠানৰ আঁত ধৰিব কেন্দ্ৰীয় সমিতিৰ যুটীয়া সম্পাদক নয়ন মণি দাস আৰু ৰমেন বৰ্মনে ৷ অনুষ্ঠানত সন্থাৰ প্ৰাক্তন সভাতি নৃপেন চন্দ্ৰ ৰায়, নির্মল কলিতা, হৰি চন্দ্ৰ বৰুৱা, সন্থাৰ উপদেষ্টা (সাংস্কৃতিক) মুনিন শৰ্মা, দেবানন্দ বৰা, প্ৰাক্তন উপ-সভাপতি অঞ্জু বৰা, গোৱালপাৰাৰ প্ৰাক্তন ৰাজহ চিৰস্তাদাৰ ধর্মকান্ত নাথ, বঙাইগাঁৱৰ প্রাক্তন ৰাজহ চিৰস্তাদাৰ কৃপা ৰায়, প্ৰসেনজিৎ বৈদ্য, ডিম্বেশ্বৰ দাস, ধৰ্মকান্ত ৰায়, গোলাপ মেধি আৰু বঙাইগাঁৱৰ প্ৰাক্তন মুখ্য সহায়ক আশুতোষ বিশ্বাস বিশিষ্ট অতিথি হিচাপে উপস্থিত থাকিব ৷ আবেলি ৪ বজাত সন্থাৰ সভাপতি গোপীনাথ দত্তৰ সভাপতিত্বত অনুষ্ঠিত হ'বলগীয়া প্ৰতিনিধি সভাৰ প্ৰথম বৈঠক উদ্বোধন কৰিব জিলা উপায়ুক্ত তথা অভ্যৰ্থনা সমিতিৰ সভাপতি নবদ্বীপ পাঠকে আৰু আদৰণি ভাষণ ৰাখিব আদৰণি সমিতিৰ সাধাৰণ সম্পাদক নন্দলাল বৰ্মনে ৷ সন্ধিয়া বন্তি প্ৰজ্বলন কৰিব সন্থাৰ উপ সভাপতি ক্রমে সঞ্জয় দত্ত, বিপুল ডেকা, দিবাকৰ বড়ো, নকুল নেৱাৰ আৰু জিতেন্দ্ৰ কুমাৰ দাসে ৷ ইয়াৰ পিচতে সন্ধিয়া ৬ বজাত সাংস্কৃতিক অনুষ্ঠান উদ্বোধন কৰিব জিলাৰ অতিৰিক্ত উপায়ুক্ত শ্যামল ক্ষেত্ৰ গগৈয়ে ৷ ইপিনে ২৭ নবেম্বৰ ( দেওবাৰ) ৰ পুৱা আঠ বজাত কৰ্ণধাৰ সমিতিৰ সদস্য মচিউজ জামান, সহ- সম্পাদক জিতেন্দ্র মিলি, পৱিত্ৰ লাডুৰ, অখন ৰাভা, সাংগঠনিক সম্পাদক ৰকিবুল হক, আমিনা খাতুন আৰু কাৰ্যালয় সম্পাদক শক্তিধৰ গাথিৰিয়ে গছপুলি ৰোপণ কৰিব ৷ পুৱা ন বজাত বাৰেৰহনীয়া সাংস্কৃতিক শোভাযাত্ৰা মুকলি কৰিব জিলা উপায়ুক্ত নবদ্বীপ পাঠকে ৷ পুৱা ১০ঃ ৩০ বজাত প্ৰতিনিধি সভাৰ দ্বিতীয় বৈঠক তথা বিষয় বাচনি সভা অনুষ্ঠিত হ'ব ৷ দিনৰ ডেৰ বজাত সন্থাৰ সভাপতি গোপীনাথ দত্তৰ সভাপতিত্বত অনুষ্ঠিত হ'ব মুকলি সভা আৰু স্মৃতিগ্ৰন্থ উন্মোচন অনুষ্ঠান ৷ সভাত অসমৰ মুখ্যমন্ত্ৰী ডঃ হিমন্ত বিশ্ব শৰ্মাই মুখ্য অতিথি ,বিত্ত, মহিলা আৰু শিশু উন্নয়ন বিভাগৰ মন্ত্ৰী অজন্তা নেওগ, গ্ৰামোন্নয়ন, খাদ্য, অসামৰিক যোগান আৰু উপভোক্তা, সাধাৰণ প্ৰশাসন আৰু আইন বিভাগৰ মন্ত্ৰী ৰঞ্জিত কুমাৰ দাস, বঙাইগাঁও সমষ্টিৰ বিধায়ক ফণীভূষণ চৌধুৰী, উত্তৰ অভয়াপুৰী বিধানসভা সমষ্টিৰ বিধায়ক আব্দুল বাতিন খণ্ডকাৰ আৰু দক্ষিণ অভয়াপুৰী বিধানসভা সমষ্টিৰ বিধায়ক প্ৰদীপ সৰকাৰে বিশিষ্ট অতিথি তথা কে এ চিৰ মুখ্য কাৰ্যবাহী পাৰিষদ গোকুল বৰ্মনে সন্মানীয় অতিথি হিচাপে উপস্থিত থকাৰ কথা ৷ আনহাতে সন্ধিয়া ছয় বজাত সাংস্কৃতিক অনুষ্ঠান উদ্বোধন কৰিব শিল্পী পেঞ্চনাৰ ধৰণী বণিক্যই ৷ উল্লেখ্য  যে অসম চৰকাৰৰ ৰাজহ,  প্রশাসনিক দিশ, আইন-শৃংখলা আৰু উন্নয়ণমূলক আঁচনি ৰূপায়ণৰ প্ৰাণকেন্দ্ৰ স্বৰূপ উপায়ুক্তৰ কাৰ্যালয়সমূহ আৰু ইয়াৰ অধীনত কাম কৰা কৰ্মচাৰীবৃন্দৰ আদৰৰ কৰ্মচাৰী সন্থাটিৰ দ্বাদশ দ্বি-বার্ষিক কেন্দ্ৰীয় অধিৱেশনখনি বঙাইগাঁৱত সফলভাৱে অনুষ্ঠিত কৰাৰ বাবে অভ্যৰ্থনা সমিতিয়ে সকলো প্ৰস্তুতি অব্যাহত ৰখা বুলি জানিব দিছে সাধাৰণ সম্পাদক নন্দলাল বৰ্মনে ৷ 🔯