🔯লাচিত দিৱসত দুঃসাহসিক অভিযান🔯

🔯লাচিত দিৱসত দুঃসাহসিক অভিযান🔯

🔯নাককাটি শৃংগ বগালে একাংশ ছাত্ৰ- ছাত্ৰীয়ে🔯

📝বঙাইগাঁওঃ ২৬ নৱেম্বৰঃ পশ্চিম অসমৰ দুঃসাহসিক ক্ৰীড়াৰ প্ৰসাৰৰ বাবে কাম কৰি অহা বাটকটীয়া অনুষ্ঠান ৰত্নপীঠ এডভেন্সাৰ ফ'ৰাম আৰু কাজলগাঁৱস্থিত উপেন্দ্ৰ নাথ ব্ৰহ্ম মহাবিদ্যালয়ৰ এন চি চি গোটৰ উদ্যোগত বীৰ লাচিতৰ ৪০০ বছৰীয়া জয়ন্তী উপলক্ষে ২৪ নবেম্বৰত বঙাইগাঁও জিলাৰ ঐতিহ্যমণ্ডিত নাককাটি পাহাৰৰ শিখৰলৈ এক ট্ৰেকিং অভিযানৰ আয়োজন কৰা হয় ৷ সিদিনা দেৱানগাঁও ৰাভাপাৰা মহাৰাণী মন্দিৰৰ খেল পথাৰৰ পৰা নাককাটিৰ শিখৰলৈ উলিওৱা ট্ৰেকিঙৰ পূৰ্বে ৰত্নপীঠ এডভেন্সাৰ ফ'ৰামৰ উপ-সভাপতি সদাশিৱ নাথে বীৰ লাচিতৰ বীৰত্বৰ কথা সুঁৱৰি ফ'ৰামৰ কাম কাজৰ ওপৰত মন্তব্য ৰাখে ৷

সাগৰ পৃষ্ঠৰ পৰা ৪২৯ মিটাৰ উচ্চতাৰ নাককাটি শিখৰ ট্ৰেকিং অভিযানৰ ফ্লেগ অৱ কৰে উপেন্দ্ৰনাথ ব্ৰহ্ম মহাবিদ্যালয়ৰ অধ্যক্ষ ড০ নীল পদ্মিনী ৰাভাই ৷ ২৮ জনীয়া ছাত্ৰ-ছাত্ৰীৰে গঠিত দলটোৰ নেতৃত্ব দিয়ে ৰত্নপীঠ এডভেন্সাৰ ফ'ৰামৰ সাধাৰণ সম্পাদক অমিয় কুমাৰ ৰায় আৰু সহকাৰী সম্পাদিকা নিকি খ্ৰীষ্টী ৰায়ে ৷ অভিযানটোত কাজলগাঁও উপেন্দ্ৰনাথ ব্ৰহ্ম মহাবিদ্যালয়ৰ অধ্যক্ষ ড০ নীল পদ্মিনী ৰাভাৰ লগতে মহাবিদ্যালয় খনৰ এন চি চি গোটৰ তত্ত্বাৱধায়ক সহযোগী অধ্যাপক জেৰেমিয়াজ নাৰ্জাৰীয়েও অংশ লয় ৷🔯