🔯বঙাইগাঁও ৰে'ল ষ্টেচনত নামনিমুৱা চিফুং যাত্রীবাহী ৰে'লৰ পৰা শিশু উদ্ধাৰ🔯

🔯বঙাইগাঁও ৰে'ল ষ্টেচনত নামনিমুৱা চিফুং যাত্রীবাহী ৰে'লৰ পৰা শিশু উদ্ধাৰ🔯 

📝News4Bongaigaon: ২১ ছেপ্তেম্বৰঃ বঙাইগাঁও ৰে'লৱে ষ্টেচনত বুধবাৰে  সন্ধিয়া ১৫৭৫৪ নম্বৰ নামনিমুৱা চিফুং যাত্রীবাহী ৰে'লৰ পৰা ৰে'লৱে সুৰক্ষা বাহিনীয়ে এটি শিশু উদ্ধাৰ কৰে ৷ নিউ বঙাইগাঁও ৰে'লৱে সুৰক্ষা বাহিনীৰ হেড কনিষ্টবল দামোদৰ তালুকদাৰে বুধবাৰে নিশা বঙাইগাঁও ষ্টেচনত নিজৰ কৰ্তব্য পালন কৰি থকা অৱস্থাত ৰে'লখনত এটি শিশুক উদ্ধাৰ কৰিবলৈ সক্ষম হয় ৷ শিশুটিক সোধা পোছা কৰাত শিশুটোৱে নিজকে বিহাৰৰ মুজ্জাফৰপুৰত ঘৰ বুলি জানিব দিয়ে ৷ জনৈক পণ্ডিত উপাধিৰ ১১ বছৰীয়া শিশুটিয়ে  ৰে’লযোগে বিহাৰলৈ গৈ থকাৰ কথা প্রকাশ কৰে ৷ কিন্তু শিশুটিৰ লগত কোনো অভিভাবক তথা ভ্রমণ কর্তৃপক্ষৰ কোনো প্রমাণ পত্র নথকাত হেড কনিষ্টবলজনে বিষয়টো উর্ধ্বতম কর্তৃপক্ষক অৱগত কৰে আৰু শিশুটিক উদ্ধাৰ কৰি নিউ বঙাইগাঁও ৰে'লৱে সুৰক্ষা বাহিনীৰ কাৰ্যালয়লৈ নিয়ে ৷ পিছত বিষয়টি সন্দৰ্ভত ৰে'লৱে সুৰক্ষা বাহিনীয়ে তদন্ত কৰি যাৱতীয় কার্য সম্পন্ন কৰি শিশুটিক বঙাইগাঁৱৰ বীৰঝৰা শিশু গৃহৰ অধীক্ষকৰ হাতত হস্তান্তৰ কৰে ৷ শিশুটিয়ে ঘৰৰ পৰা পলায়ণ কৰি আহিছিল বুলিও জানিব পৰা গৈছে ৷🔯