🔯অসম জাতীয়তাবাদী যুৱ-ছাত্ৰ পৰিষদৰ বঙাইগাঁও জিলা সমিতিৰ অন্তৰ্গত পঞ্চপুৰ আঞ্চলিক সমিতি গঠন🔯

🔯অসম জাতীয়তাবাদী যুৱ-ছাত্ৰ পৰিষদৰ বঙাইগাঁও জিলা সমিতিৰ অন্তৰ্গত পঞ্চপুৰ আঞ্চলিক সমিতি গঠন🔯

📝News4Bongaigaon: ৩ ডিচেম্বৰঃ অসম জাতীয়তাবাদী যুৱ-ছাত্ৰ পৰিদষৰ বঙাইগাঁও জিলা সমিতিৰ অন্তৰ্গত পঞ্চপুৰ আঞ্চলিক সমিতিখন দেওবাৰে গঠন কৰা হয় ৷ এই উদ্দেশ্যে শাওনাগাওঁ যুৱক সংঘত আঞ্চলিক সমিতিখন পুনৰ গঠন কৰাৰ উদ্দেশ্যে এখন সভা অনুষ্ঠিত কৰা হয় । পঞ্চপুৰ আঞ্চলিক সমিতিৰ সভাপতি বলেন বৰ্মনৰ সভাপতিত্বত অনুষ্ঠিত উক্ত সভাত জিলা সমিতিৰ উপদেষ্টা মনু সিংহই সাংগঠনিক দিশত বক্তব্য আগবঢ়ায় । সেইদৰে জিলা সমিতিৰ ভাৰপ্ৰাপ্ত সভাপতি ছফিকুল আলম শ্বেখে আগন্তুক দিনত জিলা সমিতিখন কিদৰে অধিক শক্তিশালী কৰিব পৰা যায় তাৰ ওপৰত ভাষণ প্ৰদান কৰে । আনহাতে জিলা সমিতিৰ ভাৰপ্ৰাপ্ত সাধাৰণ সম্পাদক ধৰ্মকান্ত ৰায়ে উপস্থিত থাকি পৰিষদৰ লক্ষ্য আৰু উদ্দেশ্যৰ বিষয়ত বিশদভাৱে বক্তব্য আগবঢ়ায় ৷ উক্ত সভাতে কামেশ্বৰ বৰ্মণক সভাপতি আৰু দীনেশ বৰ্মণক সাধাৰণ সম্পাদক হিচাপে লৈ ২১ জনীয়া সদস্যৰে শক্তিশালী ৰূপত পঞ্চপুৰ আঞ্চলিক সমিতিখন গঠন কৰা হয়। সভাত জিলা সমিতিৰ সমাজসেৱা সম্পাদক ত্ৰিদীপ সৰকাৰে উপস্থিত থাকি ভাষণ আগবঢ়ায় ৷ শেষত জিলা সমিতিৰ উপ সভাপতি পবিত্ৰ কুমাৰ ৰায়ে নতুনকৈ গঠন হোৱা কাৰ্যনিৰ্বাহক সমিতিখনক শপত বাক্য পাঠ কৰোৱায় ।