🔯#বঙাইগাঁৱত লঘু যান-বাহন ৰখোৱা স্থান সম্পৰ্কত জিলা আয়ুক্তৰ নিৰ্দেশনা🔯

🔯বঙাইগাঁৱত লঘু যান-বাহন ৰখোৱা স্থান সম্পৰ্কত জিলা আয়ুক্তৰ নিৰ্দেশনা🔯

📝News4Bongaigaon: ২ ডিচেম্বৰঃ #বঙাইগাঁও চহৰৰ মূল পথেৰে চলা  লঘু যান-বাহনৰ সংখ্যা ক্ৰমশঃ বৃদ্ধি পোৱালৈ চাই তথা প্ৰধান পথটোৰ কাষতে পাৰ্কিঙৰ স্থান হোৱা বাবে পথটোত ইতিমধ্যে সংঘটিত হোৱা বিভিন্ন দুৰ্ঘটনাৰ বাবে চহৰখনৰ মাজত পাৰ্কিঙৰ সুবিধাজনক ঠাই সন্ধান কৰিবলৈ বঙাইগাঁও জিলাৰ জিলা আয়ুক্ত নৱদ্বীপ পাঠকে এখন কমিটী গঠন কৰি দিছিল।বঙাইগাঁও জিলাৰ অতিৰিক্ত জিলা আয়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ মুখ্য কাৰ্যবাহী বিষয়া, বঙাইগাঁও পৌৰসভাৰ কাৰ্যবাহী বিষয়া, উত্তৰ পূৱ ৰে'লৱেৰ সহকাৰী সংমণ্ডল অভিযন্তা, নগৰ আৰু গাঁও পৰিকল্পনা বিভাগৰ সহকাৰী সঞ্চালক, বঙাইগাঁও জিলাৰ লোক নিৰ্মাণ পথ বিভাগৰ কাৰ্যবাহী অভিযন্তা আৰু জিলা দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়াক লৈ জিলা আয়ুক্ত পাঠকে গঠন কৰি দিয়া এই কমিটীখনে মত পোষণ কৰিছিল যে চিলাৰায় উৰণসেতুৰ নামনিৰ কাষৰ অংশ পাৰ্কিঙৰ কামত ব্যৱহাৰ  কৰিব পাৰি। তদুপৰি যোৱা ৬ নৱেম্বৰত অনুষ্ঠিত জিলা দুৰ্যোগ ব্যৱস্থাপনা প্ৰাধিকৰণৰ সভাত কমিটীখনৰ সদস্যসকলে মত পোষণ কৰিছিল যে ৰে'লৱে অভিযান্ত্ৰিক ৱৰ্কচপৰ সন্মুখত থকা লোক নিৰ্মাণ পথ বিভাগৰ বুলি ৰেকৰ্ডত থকা ৫৮ নং দাগৰ অব্যৱহৃত ৩৩০ ফুট×৪০ ফুট জোখৰ মাটিখিনি পাৰ্কিঙৰ স্থান হিচাপে ব্যৱহাৰ কৰিব পাৰি। সেয়েহে জিলা আয়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ অধ্যক্ষ নৱদ্বীপ পাঠকে উক্ত মাটিখিনি লঘু যান-বাহন পাৰ্কিঙৰ স্থান হিচাপে ব্যৱহাৰ কৰা হ'ব বুলি নিৰ্দেশনা জাৰি কৰিছে। সেয়ে জিলা আৰক্ষী অধীক্ষকে চিলাৰায় উৰণসেতুৰ নামনিত থকা পেট্ৰল পাম্পৰ পৰা মায়াপুৰীলৈকে পথছোৱাৰ দুয়োফালে ন' পাৰ্কিঙ স্থান হিচাপে চিহ্নিত কৰিব লাগে আৰু যান-বাহন আৰক্ষী নিয়োগ কৰি নিৰ্ধাৰিত কৰি দিয়া স্থানত লঘু যান-বাহন ৰখোৱাৰ ব্যৱস্থা কৰিব যদিহে তেওঁ উপযুক্ত বুলি ভাবে ৷ সেইদৰে বঙাইগাঁও পৌৰসভাৰ কাৰ্যবাহী বিষয়াই উক্ত স্থানত চাইনবৰ্ড লগাব আৰু কমেও চাৰিটা সৌৰ লাইট লগাব। আনহাতে বঙাইগাঁও ৰাজহ চক্ৰৰ চক্ৰ বিষয়াই উক্ত স্থান পৰিদৰ্শন কৰিব যাতে কোনো বেদখলকাৰীয়ে বেদখল কৰিব নোৱাৰে আৰু প্ৰস্তাৱিত স্থান পাৰ্কিঙৰ বাবে ব্যৱহাৰ হৈছে নে নাই তাৰ প্ৰতিবেদন দাখিল কৰিব। উক্ত নিৰ্দেশনা তৎকালীনভাৱে বলবৎ হ'ব বুলিও কোৱা হৈছে।🔯