🔯বঙাইগাঁৱত কামতা সাহিত্য ৰত্ন অম্বিকাচৰণ চৌধুৰীৰ দ্বাদশ বাৰ্ষিক স্মৃতি দিসৱ উদযাপন🔯

🔯বঙাইগাঁৱত কামতা সাহিত্য ৰত্ন অম্বিকাচৰণ চৌধুৰীৰ দ্বাদশ বাৰ্ষিক স্মৃতি দিসৱ উদযাপন🔯

📝News4Bongaigaon: ৪ ডিচেম্বৰঃ কামতা সাহিত্য ৰত্ন অম্বিকাচৰণ চৌধুৰীৰ দ্বাদশ বাৰ্ষিক স্মৃতি দিসৱটি সোমবাৰে বঙাইগাঁও চহৰৰ বৰপাৰাস্থিত ৰত্নপীঠ ক্ষেত্ৰত উদযাপন কৰা হয় ৷ কোচ ৰাজবংশী জাতীয় সাংস্কৃতিক প্ৰকল্প উদ্যোগত আৰু বঙাইগাঁও জিলা সাহিত্য সভাৰ সহযোগত তথা ৰত্নপীঠ প্ৰকাশনৰ পৃষ্ঠপোষকতাত উদযাপন কৰা স্মৃতি দিৱসৰ কাৰ্যসূচী অনুসৰি কামতা সাহিত্য ৰত্ন অম্বিকাচৰণ চৌধুৰীৰ সমাধিস্থলত প্ৰতিচ্ছবিত মাল্যাপৰ্ণ কৰি শ্ৰদ্ধাঞ্জলি জনায় বিশিষ্ট সমাজকৰ্মী অমৃতভূষণ ফৌজদাৰে ৷ সেইদৰে সভাস্থলীত প্ৰয়াত অম্বিকাচৰণ চৌধুৰীৰৰ প্ৰতিচ্ছবিত বন্তি প্ৰজ্বলন আৰু মাল্যাৰ্পণ কৰে অম্বিকাচৰণ চৌধুৰী সোঁৱৰণী আৰ্দশ বিদ্যালয়ৰ কণ কণ শিক্ষাৰ্থীয়ে ৷ ইয়াৰ পিচতে ঘোষা পৰিৱেশন কৰে ৰমাকান্ত ৰায়ে৷ এই কাৰ্যসূচীৰ পিচতে অনুষ্ঠিত হয় স্মৃতিচাৰণ সভা ৷ বঙাইগাঁও জিলা সাহিত্য সভাৰ সভাপতি ৰোহিনী কুমাৰ চৌধুৰীৰৰ সভাপতিত্বত অনুষ্ঠিত সভাৰ আৰম্ভণীতে অম্বিকাচৰণ চৌধুৰীৰ দ্বাৰা ৰচিত 'বন্দে কামতা দেশম' গীতটি পৰিৱেশন কৰে হেৰম্ব অধিকাৰী আৰু সংগীবৃন্দই ৷ স্মৃতিচাৰণ সভাত সমাজকৰ্মী অমৃতভূষণ ফৌজদাৰৰ লগতে বঙাইগাঁও জিলা সাহিত্য সভাৰ প্ৰাক্তন সভাপতি অজিত দাস, বিশিষ্ট সমাজকৰ্মী প্ৰভাত বৈষ্ণৱ, বঙাইগাঁও শতদল শাখা সাহিত্য সভাৰ প্ৰাক্তন সভাপতি বিচিত্ৰ শৰ্মা আদিয়ে প্ৰয়াত সাহিত্যিকগৰাকীৰ বিভিন্ন দিশক প্ৰতিফলিত কৰি বক্তব্য ৰখাৰ লগতে তেওঁৰ বিষয়ে স্মৃতিচাৰণ কৰে ৷ 

কবি মনুচাঁদ সিংহ, ডালিম সিংহ, মেনকা চৌধুৰী আদিয়ে পাঠ কৰে কবিতা ৷ সভাত জীয়ৰী ৰূপাঞ্জলী দেৱীয়েও বক্তব্য ৰাখে ৷ সভাপতিৰ ভাষণৰ পাছত শলাগৰ শৰাই আগবঢ়ায় কোচ ৰাজবংশী জাতীয় সাংস্কৃতিক প্ৰকল্পৰ সভাপতি সত্য নাৰায়ণ ৰায়ে ৷ স্মৃতিচাৰণ সভাৰ পিছত দেৱব্ৰত চক্ৰৱৰ্তীৰ পৰিচালনাত সৎসংগ অধিৱেশনৰ ধৰ্মালোচনা, প্ৰাৰ্থনা সভা অনুষ্ঠিত হয় ৷  সন্ধিয়া সমাধিস্থলত বন্তি প্ৰজ্বলনেৰে স্মৃতি দিৱসৰ কাৰ্যসূচীৰ সামৰণী পৰে ৷