🔯কলকাতাত প্ৰয়াত প্ৰণৱ কুমাৰ বৰুৱাৰ ৭৫ সংখ্যক জন্মদিন পালন🔯

🔯কলকাতাত প্ৰয়াত প্ৰণৱ কুমাৰ বৰুৱাৰ ৭৫ সংখ্যক জন্মদিন পালন🔯

🔯স্মৃতিচাৰণ অনুষ্ঠান - গ্ৰন্থ উন্মোচন🔯

📝News4Bongaigaon: ১৭ ডিচেম্বৰঃ কলকাতাৰ অসম ছ'চিঅ লিটাৰেৰী ক্লাৱৰ উদ্যোগত শনিবাৰে কলকাতাৰ ছল্টলেকস্থিত অসম ভৱনত এটা দশকজুৰি এছ এল ক্লাৱৰ উন্নতিৰ হকে নিস্বাৰ্থভাৱে সেৱা আগবঢ়োৱা ক্লাৱটোৰ প্ৰাক্তন সাধাৰণ সম্পাদক বঙাইগাঁৱৰ প্ৰয়াত প্ৰণৱ কুমাৰ বৰুৱাৰ ৭৫ সংখ্যক জন্মদিন পালন কৰা হয় ৷ এই উপলক্ষে সন্ধিয়া এখনি স্মৃতিচাৰণ সভা অনুষ্ঠিত হয় ৷ অসম ছ'চিঅ লিটাৰেৰী ক্লাৱৰ প্ৰকাশ আচাৰ্য্যৰ সভাপতিত্বত অনুষ্ঠিত স্মৃতিচাৰণ সভাত বন্তি প্ৰজ্বলন কৰে যুটীয়া সম্পাদক দিলীপ কৰ্মকাৰে ৷ সভাৰ আৰম্ভণীতে এছ এল ক্লাৱৰ সদস্য- সদস্যাসকলে এটি সমবেত সংগীত পৰিৱেশন কৰে ৷ সভাত প্ৰয়াত প্ৰণৱ কুমাৰ বৰুৱাৰ পত্নী বাণী বৰুৱাই সম্পাদনা কৰা 'এক শিল্পী পৰিবাৰেৰ দস্তাবেজ ' শীৰ্ষক গ্ৰন্থখন উন্মোচন কৰা হয় ৷ গ্ৰন্থখন উন্মোচন কৰে এছ এল ক্লাৱৰ অধ্যক্ষ ৰেখা চলিহা বসুৱে ৷ অনুষ্ঠানত কলকাতাৰ বিভিন্ন ঠাইৰ পৰা অহা বিশিষ্ট ব্যক্তিসকলে প্ৰয়াত প্ৰণৱ কুমাৰ বৰুৱা সোঁৱৰণী বক্তৃতা প্ৰদান কৰে ৷ ক্লাৱৰ মুখ্য উপ সভাপতি হেমেন ভট্টাচাৰ্য্য, অৱসৰপ্ৰাপ্ত জিলা আয়ুক্ত দেৱাশীষ চক্ৰৱৰ্তী, লীনা আচাৰ্য্য, নৱমালিনী নেওগ চক্ৰৱৰ্তী, কবি অমিতাভ চক্ৰৱৰ্তী, মণীষা শৰ্মা বৰঠাকুৰ, হিন্দী কবি প্ৰেম কাপুৰ, মুন তালুকদাৰ, শিখা ভট্টাচাৰ্য্যই প্ৰয়াত প্ৰণৱ কুমাৰ বৰুৱাৰ কৰ্ম তথা বিভিন্ন দিশ সামৰি বক্তৃতা প্ৰদান কৰে ৷ সভাত নিমন্ত্ৰিত অতিথি হিচাপে বঙাইগাঁও জিলা সাহিত্য সভাৰ প্ৰাক্তন সভাপতি ৰমলা ৰায় সৰকাৰে উপস্থিত থাকি ভাষণ আগবঢ়ায় ৷ স্মৃতিচাৰণ সভাৰ আঁত ধৰে ক্লাৱৰ সম্পাদক ৰমেন শৰ্মাই ৷