🔯বঙাইগাঁৱৰ ২৭ নম্বৰ ৰাষ্ট্ৰীয় ঘাইপথৰ চৌৰাগুৰিত পথ দুৰ্ঘটনা🔯

🔯বঙাইগাঁৱৰ ২৭ নম্বৰ ৰাষ্ট্ৰীয় ঘাইপথৰ চৌৰাগুৰিত পথ দুৰ্ঘটনা🔯 

🔯থিতাতে নিহত দুজন মটৰ চাইকেল আৰোহী🔯  

📝News4Bongaigaon:  ২০ ডিচেম্বৰঃ বঙাইগাঁও সদৰ থানাৰ অন্তর্গত ২৭ নম্বৰ ৰাষ্ট্ৰীয় ঘাইপথৰ চৌৰাগুৰিত বুধবাৰৰ সন্ধিয়া সংঘটিত এক পথ দুর্ঘটনাত দুজন বাইক আৰোহী থিতাতে নিহত হয় ৷ নিহত মটৰ চাইকেল আৰোহী দুজনৰ প্ৰথম অৱস্থাত পৰিচয় উদ্ধাৰ কৰিব পৰা হোৱা নাছিল যদিও পাছত বঙাইগাঁও চুঙাপোতাৰ দীপেশ চৌধুৰী ( ৪৮) আৰু গুৱাহাটীৰ বিকাশ গুপ্তা বুলি চিনাক্ত কৰা হয় ৷ প্ৰাপ্ত বাতৰি মতে নিহত মটৰ চাইকেল আৰোহী দুজনে এএছ ২৬ ই-৬৮৩৮ (AS 26E-6838 ) নম্বৰৰ মটৰ চাইকেলেৰে বিজনীলৈ বুলি গৈ থকা অৱস্থাত ২৭ নং ৰাষ্ট্ৰীয় ঘাই পথৰ চৌৰাগুৰিত জিজে - ০১ এফটি- ৮৯৯০ ( GJ-01FT/8990) নম্বৰৰ কণ্টেইনাৰখনে পাছফালৰ পৰা মটৰ চাইকেল আৰোহীদ্বয়ক খুন্দিয়াই প্ৰায় পঞ্চাশ মিটাৰ মান পথ চোঁচৰাই নিয়াত দুয়ো থিতাতে নিহত হয় ৷ পথ দুৰ্ঘটনাত মটৰ চাইকেলখনৰ সন্মুখভাগৰ বিস্তৰ ক্ষতি সাধন হয় ৷ ইপিনে পথ দুর্ঘটনা সংঘটিত হোৱাৰ পিছত ঘটনাস্থলীত বঙাইগাঁও আৰক্ষীৰ যান বাহন নিয়ন্ত্রণ শাখাৰ আৰক্ষী উপস্থিত হৈ নিহত লোক দুজনৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে বঙাইগাঁও অসামৰিক চিকিৎসালয়লৈ প্ৰেৰণ কৰে ৷ যান বাহন আৰক্ষীয়ে জানিবলৈ দিয়া মতে লোক দুজনে বিজনীলৈ ব্যৱসায়িক কামৰ বাবে গৈ আছিল ৷