🔯বঙাইগাঁৱত স্বাস্থ্য বিভাগৰ সংবাদ মেল🔯

🔯বঙাইগাঁৱত স্বাস্থ্য বিভাগৰ সংবাদ মেল🔯

🔯জিলাখনৰ মুঠ ১ লাখ ৯ হেজাৰ ৬শ ৭১ টি শিশুক পলিঅ'প্ৰদানৰ লক্ষ্য নিৰ্ধাৰণ🔯

📝News4Bongaigaon: ৮ ডিচেম্বৰ: উপ-ৰাষ্ট্ৰীয় পলিঅ' প্ৰতিষেধক  প্ৰদান দিৱসৰ লগত সংগতি ৰাখি শুকুৰবাৰে বঙাইগাঁও জিলা স্বাস্থ্য সেৱা সমিতিৰ তৰফৰ পৰা এখন সংবাদ মেল অনুষ্ঠিত কৰে ৷ সংবাদ মেলখনি সম্বোধন কৰে ভাৰপ্ৰাপ্ত অতিৰিক্ত জিলা আয়ুক্ত (স্বাস্থ্য) তথা সদৰ মহকুমাধিপতি মোস্তাফা চেলিম আহমেদ আৰু যুটীয়া স্বাস্থ্য সেৱা সঞ্চালক ডা:পৰেশ কলিতাই।সংবাদ মেলযোগে তেওঁলোকে সদৰী কৰে যে অহা ১০ ডিচেম্বৰ দেওবাৰে জিলাখনত শূন্যৰ পৰা ৫ বছৰ বয়সৰ তলৰ ল'ৰা-ছোৱালীক পলিঅ' প্ৰদান কেন্দ্ৰত দুটোপাল পলিঅ' প্ৰতিষেধক খুওৱা হ'ব। জিলাখনত মুঠ ১ লাখ ৯ হেজাৰ ৬শ ৭১ টা শূন্যৰ পৰা ৫ বছৰ বয়সৰ ল'ৰা-ছোৱালী আছে আৰু এই শিশুসকলৰ এশ শতাংশকে পলিঅ' প্ৰতিষেধক প্ৰদানৰ বাবে স্বাস্থ্য  বিভাগে পৰিকল্পনা কৰিছে। তাৰ বাবে ১০ ডিচেম্বৰত ৫৮৬ টা পলিঅ' বুথত পলিঅ' প্ৰতিষেধক প্ৰদান কৰা হ'ব বুলি কয় যুটীয়া স্বাস্থ্য সেৱা সঞ্চালক ডা:কলিতাই। তদুপৰি ১১ আৰু ১২ ডিচেম্বৰত ঘৰে ঘৰে পলিঅ' প্ৰতিষেধক প্ৰদানৰো ব্যৱস্থা কৰিব। ইয়াৰ বাবে স্বাস্থ্যকৰ্মী নিযুক্ত কৰা হৈছে বুলিও যুটীয়া স্বাস্থ্য সেৱা সঞ্চালকে উল্লেখ কৰে। সংবাদ মেলত বঙাইগাঁও জিলাৰ সকলো শিশুৱে যাতে পলিঅ' প্ৰতিষেধক পায় সেই ক্ষেত্ৰত সাংবাদিকসকলৰ সহায় বিচাৰে স্বাস্থ্য বিভাগে।