🔯বঙাইগাঁৱত মন্ত্ৰী ৰঞ্জিত কুমাৰ দাসৰ দ্বাৰা ' খাও- গলি' ৰ আধাৰশিলা স্থাপন🔯

🔯বঙাইগাঁৱত মন্ত্ৰী ৰঞ্জিত কুমাৰ দাসৰ দ্বাৰা ' খাও- গলি' ৰ আধাৰশিলা স্থাপন🔯

📝News4Bongaigaon: ২১ ডিচেম্বৰঃ বঙাইগাঁও পৌৰসভাৰ অধীনত চহৰখনৰ উত্তৰ বঙাইগাঁও বজাৰত বৃহস্পতিবাৰে ৰাজ্য চৰকাৰৰ মন্ত্ৰী ৰঞ্জিত কুমাৰ দাসে 'খাও- গলি ' ব্যৱসায়িক প্ৰতিষ্ঠানৰ আধাৰশিলা কাৰ্য্যসূচী ৰূপায়ণ কৰে ৷ এই উপলক্ষে পৌৰসভাৰ সহকাৰী অভিযন্তা অজিত চৌধুৰীয়ে আঁত ধৰা অনুষ্ঠানত আদৰণী ভাষণ ৰাখে পৌৰসভাৰ সভাপতি সুবোধ কুমাৰ দাসে ৷ আনহাতে অনুষ্ঠানত মন্ত্ৰী ৰঞ্জিত কুমাৰ দাসে নিজৰ ভাষণত বৰ্তমান চৰকাৰে পদপথৰ ব্যৱসায়ী, চহৰৰ বিভিন্ন ক্ষুদ্ৰ ব্যৱসায়ীসকলৰ উন্নয়নৰ বাবে গ্ৰহণ কৰা আৰ্থিক সাহাৰ্য্যৰ চৰকাৰী আঁচনিসমূহৰ বিষয়ে উল্লেখ কৰে ৷ লগতে চহৰখনৰ সৌন্দৰ্য্য বৰ্ধনৰ ক্ষেত্ৰত এক চহৰ এক ৰং আৰ্হিৰে চহৰখনক গঢ়ি তুলিবলৈ পৌৰপতিক ব্যৱস্থা গ্ৰহণৰ বাবে আহ্বান জনায় ৷ এই ক্ষেত্ৰত পৌৰসভাক ৰাইজৰ লগতে ৰাজনৈতিক - অৰাজনৈতিক দল, সংগঠনসমূহৰ সৈতে আলোচনা কৰি আগবাঢ়িবলৈকো কয় ৷ 

অনুষ্ঠানত বঙাইগাঁও নগৰীয়া জীৱিকা অভিযানৰ তৰফৰ পৰা এই আঁচনিখনত ২০ গৰাকী হিতাধিকাৰীক সাঙুৰি লৈছে ৷ আঁচনিখনত ৫০ শতাংশ মহিলাৰ বাবে সংৰক্ষিত ৰক্ষা হৈছে ৷ অৰ্থাৎ  ১০ গৰাকী মহিলা হিতাধিৰীয়ে সুবিধা লাভ কৰিব ৷ আঁচনিখনৰ জৰিয়তে আত্মসহায়ক গোট আৰু পদপথৰ ব্যৱসায়ীসকলক সংস্থাপিত কৰা হ'ব ৷ অনুষ্ঠানত বঙাইগাঁও জিলাৰ উন্নয়ন আয়ুক্ত ধ্ৰুৱজ্যোতি দাস, পৌৰসভাৰ কাৰ্য্যবাহী বিষয়া মুস্তাফা চেলিম আহমেদৰ লগতে জিলা সভাপতি উজ্জল কান্তি ৰায়, বিজেপিৰ ১০ নং ৱাৰ্ডৰ পাৰিষদ স্বপন কুমাৰ ঘোষ , বিভিন্ন ৱাৰ্ডৰ পাৰিষদসকল,  পৌৰসভাৰ বিষয়া - কৰ্মচাৰী তথা ৰাইজ উপস্থিত থাকে ৷