🔯বঙাইগাঁৱত পুত্রৰ আক্ৰমণত পিতৃৰ মৃত্যুঃ পুত্রক গ্ৰেপ্তাৰ🔯

🔯বঙাইগাঁৱত পুত্রৰ আক্ৰমণত পিতৃৰ মৃত্যুঃ পুত্রক গ্ৰেপ্তাৰ🔯

📝News4Bongaigaon: ২১ ডিচেম্বৰঃ বঙাইগাঁৱৰ উত্তৰ বঙাইগাঁও তহলদাৰী আৰক্ষী চকীৰ অন্তর্গত পোপৰাগাঁৱত পুত্ৰৰ আক্ৰমণত গুৰুতৰভাৱে আহত হোৱা পিতৃ এগৰাকীৰ বুধবাৰে মৃত্যু হয় ৷ ঘটনা সন্দৰ্ভত আৰক্ষীয়ে সদৰি কৰা মতে মঙলবাৰে নিশা প্ৰায় ৮-৩০ বজাত পিতা আৰু পুত্রৰ মাজত কাজিয়াৰ সূত্রপাত হৈছিল ৷ সেই সময়তে পুত্র প্ৰবীণ বৰ্মনে তেওঁৰ পিতৃ ধৰণীকান্ত বৰ্মনক (৬৫) শাৰীৰিকভাবে আক্ৰমণ কৰিছিল ৷  পুত্রৰ শাৰীৰিক আক্ৰমণত গুৰুতৰভাৱে আহত হৈছিল বৃদ্ধ পিতৃ ধৰণীকান্ত বৰ্মন ৷ পিছত আঘাতপ্রাপ্ত বৃদ্ধ পিতৃগৰাকীৰ বুধবাৰে বিয়লি ৪ বজাত মৃত্যু হয় ৷ ঘটনাৰ খবৰ পোৱাৰ পিছতে উত্তৰ বঙাইগাঁও তহলদাৰী আৰক্ষী চকীৰ আৰক্ষীয়ে ঘটনা সংঘটিত হোৱা গাঁৱত উপস্থিত হৈ ঘটনাৰ তদন্ত কৰাৰ লগতে ঘটাৰ সৈতে জড়িত পুত্র প্ৰবীণ বৰ্মনক আটক কৰে ৷ আৰক্ষীয়ে লগতে ধৰণীকান্ত বৰ্মনৰ মৃতদেহ উদ্ধাৰ কৰি বৃহস্পতিবাৰে মৰণোত্তৰ পৰীক্ষাৰ ব্যৱস্থা কৰে ৷ আনহাতে পিতৃ হত্যাকাৰী প্ৰবীণ বৰ্মনত আৰক্ষীয়ে গ্ৰেপ্তাৰ কৰি আদালতত হাজিৰ কৰাই অধিক সোধাপোছাৰ কাৰণে দুদিনৰ বাবে নিজৰ জিম্মালৈ নিছে ৷