🔯বঙাইগাঁৱত দুৰ্বৃত্তৰ দ্বাৰা এটিএমৰ ধন লুটৰ চেষ্টা🔯

🔯বঙাইগাঁৱত দুৰ্বৃত্তৰ দ্বাৰা এটিএমৰ ধন লুটৰ চেষ্টা🔯 

📝News4Bongaigaon: ৩ ডিচেম্বৰঃ বঙাইগাঁও চহৰৰ উত্তৰ বঙাইগাঁৱত শনিবাৰে নিশা দুৰ্বৃৃৃৃত্তই এটিএম এটাৰ ধন লুটৰ প্ৰচেষ্টা চলায় ৷ অৱশ্যে ধন লুট কৰি নিয়াত ব্যৰ্থ হয় দুৰ্বৃত্ত ৷ জানি পৰা মতে দুৰ্বৃত্তই উত্তৰ বঙাইগাঁও তহলদাৰী আৰক্ষী চকীৰ ওচৰতে থকা ভাৰতীয় ষ্টেট বেংকৰ এটিএমটোত চাটাৰৰ লক কাটি ভিতৰত প্ৰৱেশ কৰি এটিএম মেচিনৰ পৰা ধন লুটৰ বাবে চেষ্টা চলায় ৷  এটিএম মেচিন ভাঙি ধন লুটৰ চেষ্টা চলোৱাৰ ফলত এটিএম মেচিনৰ কিছু ক্ষতিসাধন হয় যদিও ধন লুট কৰি নিবলৈ সক্ষম নহ'ল দুৰ্বৃত্তই ৷ মূল ৰাজ পথৰ কাষতে থকা এটিএমৰ পৰা এইদৰে দুৰ্বৃত্তই ধন লুটৰ প্ৰচেষ্টা চলোৱা কাৰ্য্যই বঙাইগাঁও চহৰত যে পুনৰ এটিএমৰ ধন লুটকাৰী প্ৰৱেশ কৰিছে সেয়া উন্মোচিত হৈছে ৷ লগতে দুৰ্বৃত্তই চাটাৰৰ লক কাটিবলৈ গেছ কাটাৰ ব্যৱহাৰ কৰা যেন অনুমান কৰা হৈছে ৷ এনে অৱস্থাত দুৰ্বৃত্তৰ দলটোৰ লগত যে সকলো সা- সজুঁলি মজুত আছে আৰু দলটো এনে অপৰাধজনিত ঘটনা সংঘটিত কৰাত সম্পূৰ্ণ অভ্যস্ত সেয়া প্ৰমাণ কৰিছে ৷ গতিকে আৰক্ষীয়ে এই দৃৰ্বৃত্তৰ দলটোক কৰায়ত্ত কৰিব নোৱাৰিলে চহৰখনত যি কোনো মুহূৰ্তত ডাঙৰ চুৰি- ডকাইতি কাণ্ড সংঘটি হ'ব পাৰে ৷