🔯বঙাইগাঁৱৰ উপ-ডাকঘৰক প্ৰধান ডাকঘৰলৈ উন্নীত কৰাৰ দাবী বঙাইগাঁও উন্নয়ন সমিতিৰ🔯

🔯বঙাইগাঁৱৰ উপ-ডাকঘৰক প্ৰধান ডাকঘৰলৈ উন্নীত কৰাৰ দাবী বঙাইগাঁও উন্নয়ন সমিতিৰ🔯 

🔯অসম চক্ৰৰ মুখ্য প'ষ্ট মাষ্টাৰ জেনেৰেলক স্মাৰক পত্ৰ প্রদান🔯

📝News4Bongaigaon: ৩ ডিচেম্বৰঃ  বঙাইগাঁও উন্নয়ন সমিতিয়ে বঙাইগাঁও উপ-ডাকঘৰক প্ৰধান ডাকঘৰলৈ উন্নীত কৰাৰ দাবী উত্থাপন কৰিছে ৷ উল্লেখ্য যে বঙাইগাঁৱলৈ পদার্পণ কৰা ভাৰতীয় ডাক বিভাগৰ অসম চক্ৰৰ মুখ্য প'ষ্ট মাষ্টাৰ জেনেৰেল সুব্রত দাসৰ হাতত বঙাইগাঁও উন্নয়ন সমিতিয়ে এখন স্মাৰক পত্ৰখন প্ৰদান কৰিছে। বঙাইগাঁও উন্নয়ন সমিতিৰ সভাপতি প্রভাত বৈষ্ণৱ, উপ-সভাপতি আৰ এন শৰ্মা আৰু সম্পাদক ভক্ত পোদ্দাৰ স্বাক্ষৰিত স্মাৰকপত্ৰখনত বঙাইগাঁও উপ-ডাকঘৰক প্ৰধান ডাকঘৰলৈ উন্নীত কৰাৰ বাবে দীৰ্ঘদিনৰ পৰা দাবী জনাই অহা বুলি উল্লেখ কৰাৰ লগতে এই বিষয় সন্দর্ভত ভাৰতৰ যোগাযোগ মন্ত্ৰালয়ৰ লগতে অসমৰ প্রাক্তন মুখ্যমন্ত্ৰী তথা বৰ্তমানৰ কেন্দ্ৰীয় মন্ত্রী সর্বানন্দ সোনোৱাল, বৰ্তমানৰ মুখ্যমন্ত্রী ড° হিমন্তবিশ্ব শৰ্মা, বৰপেটাৰ সাংসদ আব্দুল খালেকক স্মাৰকপত্র প্রদান কৰিছিল ৷ তদুপৰি বঙাইগাঁও উন্নয়ন সমিতিয়ে ২০১৪ আৰু ২০১৮ চনত ডাক বিভাগৰ অসম চক্ৰৰ তদানীন্তন মুখ্য প'ষ্ট মাষ্টাৰ জেনেৰেলকো স্মাৰক পত্ৰ প্ৰদান কৰি বঙাইগাঁও উপ-ডাকঘৰক প্ৰধান ডাকঘৰলৈ উন্নীত কৰাৰ দাবী জনাইছিল যদিও বৰ্তমানলৈকে সেয়া হৈ উঠা নাই ৷ স্মর্তব্য যে ভাৰত চৰকাৰৰ যোগাযোগ মন্ত্ৰালয়ৰ ডাক বিভাগৰ সঞ্চালক প্ৰধানে বঙাইগাঁও উপ-ডাকঘৰক প্রধান ডাকঘৰলৈ উন্নীত কৰাৰ পদক্ষেপ লোৱাৰ বাবে মুখ্য প'ষ্ট মাষ্টাৰ জেনেৰেলক নির্দেশনাও দিছিল। কিন্তু তৎসত্বেও আজিলৈকে উক্ত নির্দেশনা কাৰ্যকৰী নহ'ল। বঙাইগাঁও উন্নয়ন সমিতিয়ে বৃহস্পতিবাৰে (৩০ নৱেম্বৰ) ডাক বিভাগৰ অসম চক্ৰৰ মুখ্য প'ষ্ট মাষ্টাৰ জেনেৰেলক স্মাৰকপত্ৰ প্ৰদান কৰি চলিত বৰ্ষৰ ভিতৰত বঙাইগাঁও উপ-ডাকঘৰক প্রধান ডাকঘৰলৈ উন্নীত কৰাৰ বাবে দাবী উত্থাপন কৰিছে ৷