🔯বঙাইগাঁও জিলা কৃষি বিভাগ🔯

🔯বঙাইগাঁও জিলা কৃষি বিভাগ🔯

🔯মূলাগাঁও গাঁও পঞ্চায়ত কাৰ্য্যালয় প্ৰাংগণত ফচল বীমা যোজনা সন্দৰ্ভত সজাগতা সভা🔯 

📝News4Bongaigaon: ৫ ডিচেম্বৰঃ প্ৰধানমন্ত্ৰী ফচল বীমা যোজনা (PMFBY)ৰ অধীনত ১ ৰ পৰা ৭ ডিচেম্বৰলৈকে ৰাজ্যজুৰি চলি থকা ষষ্ঠতম “শস্য বীমা সপ্তাহ"ৰ লগত সংগতি ৰাখি আজি  বঙাইগাঁও জিলা কৃষি বিষয়াৰ কাৰ্য্যালয়ৰ উদ্যোগত বিদ্যাপুৰ কৃষি চক্ৰৰ অন্তৰ্গত মূলাগাঁও গাঁও পঞ্চায়ত কাৰ্য্যালয়ৰ চৌহদত ফচল বীমা যোজনাৰ এক সজাগতা সভা অনুষ্ঠিত কৰে ৷ কৃষকসকলৰ মাজত অনুষ্ঠিত হোৱা এই সজাগতা সভাত প্ৰাকৃতিক দুৰ্যোগৰ ফলত শস্যৰ ক্ষতি হ'লে  প্ৰধানমন্ত্ৰী ফচল বীমা যোজনা (PMFBY)ৰ দ্বাৰা কৃষকসকল কেনেদৰে উপকৃত হ'ব তাক লৈ কৃষক ৰাইজক অৱগত কৰা হয় । 

ইয়াৰ লগতে শস্যৰ বীমা বা ফচল বীমা কৰিবলৈ কৃষক ৰাইজক আহ্বান জনোৱা হয় । উক্ত অনুষ্ঠানত সহকাৰী কৃষি পৰিদৰ্শক গুণধৰ ৰায়, কৃষি বীমা কোম্পানীৰ বীমা বিষয়া আফচাৰ আলী আৰু কৃষক ৰাইজ উপস্থিত থাকে । উল্লেখ্য যে প্ৰধানমন্ত্ৰী ফচল বীমা যোজনা (PMFBY) ৰ অধীনত ৪ ৰ পৰা ৮ ডিচেম্বৰলৈ বঙাইগাঁও জিলাৰ আটাইকেইটা কৃষি চক্রত সজাগতা সভা অনুষ্ঠিত হ'ব।