🔯বঙাইগাঁও জিলাত ভূমিৰ অধিকাৰ প্ৰদানৰ বাবে বন নিবাসীৰ পৰা আবেদন আহ্বান🔯

🔯বঙাইগাঁও জিলাত ভূমিৰ অধিকাৰ প্ৰদানৰ বাবে বন নিবাসীৰ পৰা আবেদন আহ্বান🔯 

📝News4Bongaigaon:  ৫ ডিচেম্বৰ: বনভূমিত পুৰুষানুক্ৰমে বসবাস কৰি অহা বঙাইগাঁও জিলাৰ যিসকল অনুসূচিত জনজাতি আৰু অন্যান্য পৰম্পৰাগত বন নিবাসীয়ে ভাৰত চৰকাৰে প্ৰদান কৰা "বন অধিকাৰ স্বীকৃতি"অধিনিয়ম ২০০৬/২০০৭ অধীনত বন ভূমিত ভূমিৰ অধিকাৰ সমিতিসমূহৰ যোগেদি মহকুমা কল্যাণ বিষয়াৰ কাৰ্যালয়ত নিৰ্দিষ্ট প্ৰ-পত্ৰত আবেদন দাখিল কৰা নাই, সেইসকল বন নিবাসীক আবেদন কৰি ভূমিৰ অধিকাৰ লাভ কৰিবলৈ চৰকাৰী নিৰ্দেশ অনুযায়ী শেষবাৰৰ বাবে এটা সুযোগ দিয়া হৈছে। বঙাইগাঁও জিলাৰ সেইসকল বন নিবাসীক অহা বৰ্ষৰ ১ জানুৱাৰীৰ ভিতৰত নিৰ্দিষ্ট তথ্যসহ ভূমিৰ অধিকাৰ সমিতিসমূহৰ যোগেদি ওচৰত থকা মহকুমা কল্যাণ বিষয়াৰ কাৰ্যালয়ত নিৰ্দিষ্ট প্ৰপত্ৰযোগেদি আবেদন জনাবলৈ অনুৰোধ জনোৱা হৈছে। ১ জানুৱাৰীৰ পিছত বঙাইগাঁও জিলাত বন ভূমি পট্টনৰ প্ৰক্ৰিয়া সমাপ্ত হৈছে বুলি গণ্য কৰা হ'ব বুলিও জনোৱা হৈছে। অনুসূচিত জনজাতি আৰু অন্যান্য পৰম্পৰাগত বন নিবাসীয়ে পুৰুষানুক্ৰমে (কমেও ৭৫ বছৰ) ২০০৫ বৰ্ষৰ ১৩ ডিচেম্বৰলৈকে সেই স্থানত অৰ্থাৎ আবেদনত উল্লেখ কৰা গাঁওখনত নিবাস কৰি থকাৰ নথি, ভোটাৰ তালিকাৰ কপি প্ৰপত্ৰৰ লগত সংলগ্ন কৰি দিব লাগিব। এবাৰ বন ভূমি "স্বত্ব "পোৱা ব্যক্তিয়ে পুনৰ আবেদন কৰিব নোৱাৰিব।প্ৰমাণপত্ৰৰ সত্য নিৰুপিত প্ৰতিলিপিসমূহ জমা নিদিলে প্ৰপত্ৰসমূহ নাকচ কৰা হ'ব। প্ৰপত্ৰৰ লগত ৭৫ বছৰ বসবাস কৰা প্ৰমাণপত্ৰ, জাতিগত প্ৰমাণপত্ৰ, ভোটাৰ কাৰ্ড আৰু দুকপি পাছপোৰ্ট আকাৰৰ ফটো লগত সংলগ্ন কৰি দিব লাগিব ৷