🔯বঙাইগাঁও জিলাত বিধানসভা সমষ্টি পৰ্যায়ৰ খেল মহাৰণৰ সামৰণি🔯

🔯বঙাইগাঁও জিলাত বিধানসভা সমষ্টি পৰ্যায়ৰ খেল মহাৰণৰ সামৰণি🔯

📝News4Bongaigaon: ৮ ডিচেম্বৰ: বঙাইগাঁও জিলাত বিধানসভা সমষ্টি পৰ্যায়ৰ খেল মহাৰণৰ শুকুৰবাৰে সামৰণি পৰে ৷ উল্লেখ্য যে বঙাইগাঁও জিলাত এক নৱেম্বৰৰ পৰা অসম খেল মহাৰণৰ আৰম্ভ হৈছিল ৷ প্ৰথমতে গাঁও-পঞ্চায়ত পৰ্যায়ত অসম খেল মহাৰণ অনুষ্ঠিত হোৱাৰ পিছত ২৮ নৱেম্বৰৰ পৰা জিলাখনত বিধানসভা সমষ্টি পৰ্যায়ত খেল মহাৰণ অনুষ্ঠিত হয়। ২৮ নৱেম্বৰত অভয়াপুৰী দক্ষিণ বিধানসভা সমষ্টিত, ২৯ নৱেম্বৰত অভয়াপুৰী উত্তৰ বিধানসভা সমষ্টিত আৰু ৩০ নৱেম্বৰত বঙাইগাঁও বিধানসভা সমষ্টিত বিধানসভা সমষ্টি পৰ্যায়ত ফুটবল, ভলীবল, এথলেটিকছ, কাবাডী আৰু খো খো খেল অনুষ্ঠিত কৰা হয়। যিসকল খেলুৱৈ গাঁও-পঞ্চায়ত পৰ্যায়ত নিৰ্বাচিত হৈছিল সেইসকল খেলুৱৈয়ে বিধানসভা সমষ্টি পৰ্যায়ত খেল খেলাৰ সুযোগ পায়। বঙাইগাঁও জিলাৰ জিলা আয়ুক্ত নৱদ্বীপ পাঠকে অভয়াপুৰী দক্ষিণ আৰু বঙাইগাঁও বিধানসভা সমষ্টিৰ খেলৰ শুভাৰম্ভ কৰিছিল আৰু অভয়াপুৰী উত্তৰ বিধানসভা সমষ্টিৰ খেল জিলা উন্নয়ন আয়ুক্ত ধ্ৰুৱজ্যোতি দাসে শুভাৰম্ভ কৰিছিল। বঙাইগাঁও বিধানসভা সমষ্টিৰ খেল বিধায়ক ফণীভূষণ চৌধুৰীৰ উপস্থিতিত আৰু তেওঁৰ দিহা-পৰামৰ্শৰে পৰিচালিত হৈছিল। বিধানসভা সমষ্টি পৰ্যায়ৰ খেল অভয়াপুৰী দক্ষিণ বিধানসভা সমষ্টিত ৫ ডিচেম্বৰত , অভয়াপুৰী উত্তৰ বিধানসভা সমষ্টিত ৬ ডিচেম্বৰত সমাপ্ত হয় আৰু ৮ ডিচেম্বৰ শুকুৰবাৰে খো খো আৰু কাবাদী খেলেৰে বঙাইগাঁও বিধানসভাৰ সমষ্টিৰ খেলৰ অন্ত পৰে। সামৰণি অনুষ্ঠানত বঙাইগাঁও বিধানসভা সমষ্টিৰ বিধায়ক ফণীভূষণ চৌধুৰী উপস্থিত থাকে। উল্লেখ্য যে মহকুমা ক্ৰীড়া বিষয়া পুস্পেন্দু  দাসে আটাইকেইটা বিধানসভা সমষ্টিৰ আৰম্ভণি আৰু সামৰণি খেলত উপস্থিত থাকে।