🔯বঙাইগাঁৱত ৰাষ্ট্ৰীয় লোক আদালতত ৫৫৮ টা গোচৰ নিষ্পত্তি🔯

🔯বঙাইগাঁৱত ৰাষ্ট্ৰীয় লোক আদালতত ৫৫৮ টা গোচৰ নিষ্পত্তি🔯

🔯আদায় মুঠ ৪,৯৬,৬৬,৩০৫ টকা🔯

📝News4Bongaigaon: ৯ ডিচেম্বৰঃ ৰাষ্ট্ৰীয় আইন সেৱা প্ৰাধিকাৰীৰ নিৰ্দেশ মতে অসমৰ আন আন জিলাৰ লগতে শনিবাৰে বঙাইগাঁও জিলা আইন সেৱা প্ৰাধিকাৰীৰ উদ্যোগত বঙাইগাঁও জিলা আৰু অভয়াপুৰী মহকুমা এই দুই ন্যায়ালয় চৌহদত ৰাষ্ট্ৰীয় লোক আদালত অনুষ্ঠিত কৰা হয় ৷ এই ৰাষ্ট্ৰীয় লোক আদালতত মুঠ ১,৪৫২ টা ভৱিষ্যতে দাখিল হোৱাৰ সম্ভাৱনা থকা গোচৰ নিষ্পত্তি বাবে হাতত লোৱা হৈছিল ৷ য'ত বেংক, এপিডিচিএল আৰু বিএছএনএল কৰ্তৃপক্ষই নিজৰ বকেয়া ঋণ তথা মাচুল আদায় কৰাৰ বাবে যোগদান কৰিছিল ৷ ইয়াৰ ভিতৰত ২২৩ টা গোচৰ নিষ্পত্তি হোৱাৰ লগতে ৪৫,০৫,৬২৮ টকা আদায় হয় ৷ আনহাতে বঙাইগাঁও আৰু অভয়াপুৰীস্থিত বিভিন্ন আদালতত বিচাৰাধীন ১,০৩৪ টা গোচৰ নিষ্পত্তিৰ বাবে হাতত লোৱা হৈছিল যদিও তাৰৰ ভিতৰত ৩৩৫ টা গোচৰ আলোচনাৰ মাধ্যমেৰে আপোচ মীমাংসাত নিষ্পত্তি কৰা হয় ৷ লগতে ৪,৫১,৬০,৬৭৭ টকা আদায় কৰা হয় ৷ উল্লেখ্য যে লোক আদালতত উভয় বিধৰ ২,৪৮৬ টা গোচৰ নিষ্পতিৰ বাবে লোৱা হৈছিল আৰু তাৰ মাজৰ ৫৫৮ টা গোচৰ নিষ্পতি হৈছে ৷ ইয়াৰ পৰা আদায় কৰা হয় মুঠ ৪,৯৬,৬৬,৩০৫ টকা ৷ ৰাষ্ট্ৰীয় লোক আদালতৰ এই সাফল্যৰ বাবে বঙাইগাঁও জিলা আইন সেৱা প্ৰাধিকৰণৰ তৰফৰ পৰা সকলো ন্যায়িক বিষয়া, ,অধিবক্তা, গোচৰৰ উভয় পক্ষ আৰু সাংবাদিকসকলক ধন্যবাদ জনাইছে ৷