🔯বঙাইগাঁৱৰ মাণিকপুৰত বিশেষ স্বাস্থ্য মেলা সম্পন্ন🔯

🔯বঙাইগাঁৱৰ মাণিকপুৰত বিশেষ স্বাস্থ্য মেলা সম্পন্ন🔯

📝বঙাইগাঁওঃ ২৯ জুলাই : বঙাইগাঁও জিলাৰ মাণিকপুৰ খণ্ড প্রাথমিক স্বাস্থ্য কেন্দ্রৰ উদ্যোগত আৰু পাতিলাদহা ক্ষুদ্র প্রাথমিক স্বাস্থ্য কেন্দ্রৰ সহযোগত কুশলাইগুৰি মজলীয়া বিদ্যালয় প্রাংগণত সোমবাৰে " বিশেষ স্বাস্থ্য মেলা " অনুষ্ঠিত হয় ৷ এই উপলক্ষে পুৱা ফিতা কাটি মেলাৰ শুভ উদ্বোধন কৰে প্রাক্তন জিলা পৰিষদ সদস্য সত্য ৰঞ্জন দাসে ৷ অনুষ্ঠানত বঙাইগাঁও জিলা ছার্ভিলেন্স বিষয়া ডাঃ বাদল সৰকাৰ, মাণিকপুৰ প্ৰাথমিক স্বাস্থ্য কেন্দ্রৰ ভাৰপ্রাপ্ত মহকুমা স্বাস্থ্য আৰু চিকিৎসা বিষয়া ডাঃ কল্যাণ কুমাৰ ৰায়, কুশলাইগুৰি মজলীয়া বিদ্যালয়ৰ প্রধান শিক্ষক অকন ৰায়, বঙাইগাঁও জিলা মিডিয়া বিশেষজ্ঞ সংগীতা দাস, বিপিএম হেমেন ৰয়, এবিপিএম ৰঞ্জয় বর্মন, ব্লক ফার্মাচিষ্ট বিপ্লৱ কুমাৰ দাস আদি ব্যক্তিয়ে উপস্থিত থাকে ৷

উদ্বোধনী সভাত স্বাস্থ্য বিষয়া সকলে মেলেৰীয়া, ডেংগু, জাপানীজ এনকেফেলাইটিছ, ডায়েৰিয়া আদি ৰোগৰ কাৰক আৰু প্রতিকাৰ সম্পর্কে বক্তব্য ৰাখে৷ ইয়াৰ পিছতে চিকিৎসক, ফার্মাচিষ্ট, নার্চ, লেবৰেটৰী টেকনিচিয়ান, মেলেৰীয়া বিষয়া- কর্মী সকলৰ বিশেষ দলে ৰোগীসকলৰ ৰোগ পৰীক্ষা কৰি প্ৰয়োজনীয় ঔষধ আদি বিতৰণ কৰে ৷🔯