🔯আক্ৰাছু ৰ ৩৪ সংখ্যক প্রতিষ্ঠা দিৱসৰ দিনটোত কামতাপুৰ আন্দোলনত প্ৰাণ আহুতি দিয়া জাতীয় বীৰ শ্বহীদসকললৈ কেএলঅ আৰু কেএলঅ (কেএন) ৰ তৰফৰ পৰা শ্ৰদ্ধাঞ্জলি জ্ঞাপন🔯

🔯আক্ৰাছু ৰ ৩৪ সংখ্যক প্রতিষ্ঠা দিৱসৰ দিনটোত কামতাপুৰ আন্দোলনত প্ৰাণ আহুতি দিয়া জাতীয় বীৰ শ্বহীদসকললৈ কেএলঅ আৰু কেএলঅ (কেএন) ৰ তৰফৰ পৰা শ্ৰদ্ধাঞ্জলি জ্ঞাপন🔯

🔯কোচ ৰাজবংশী জনগোষ্ঠীৰ বৃহত্তৰ স্বাৰ্থত আক্ৰাছুই নিজৰ মাজত থকা সকলো বিভেদ, মনোমালিন্য পৰিহাৰ কৰি ঐক্যবদ্ধভাবে সংগ্ৰামত নামি পৰক🔯

📝 ২৯ জুলাই : কোচ ৰাজবংশী জনগোষ্ঠীৰ প্ৰাপ্য সাংবিধানিক অধিকাৰ প্ৰতিষ্ঠা কৰাৰ লক্ষ্যৰে ১৯৯০ চনত গঠন হোৱা জনগোষ্ঠীটোৰ অন্যতম সংগ্ৰামী ছাত্ৰ সংগঠন সদৌ কোচ-ৰাজবংশী ছাত্ৰ সন্থা ( আক্ৰাছু) ৰ ৩৪ সংখ্যক প্রতিষ্ঠা দিৱসৰ দিনটোত কমতাপুৰ লিবাৰেচন অৰ্গেনাইজেচন (কেএলঅ) আৰু কমতাপুৰ লিবাৰেচন অর্গেনাইজেচন (কেএন) ৰ তৰফৰ পৰা জীৱন সিংহ কোচ আৰু ডি.এল. কোচে কামতাপুৰ আন্দোলনত প্ৰাণ আহুতি দিয়া সকলো জাতীয় বীৰ শ্বহীদলৈ শ্ৰদ্ধাঞ্জলি জনাইছে ৷ লগতে কোচ-ৰাজবংশী জনগোষ্ঠীৰ বৃহত্তৰ স্বাৰ্থত আক্ৰাছুই নিজৰ মাজত থকা সকলো বিভেদ, মনোমালিন্য পৰিহাৰ কৰি কম সময়ৰ ভিতৰত ঐক্যবদ্ধ হৈ ঘোষিত মহান লক্ষ্য আৰু উদ্দেশ্যৰে আপোচহীন ভাবে সংগ্ৰামত নামি পৰাটো কামনা কৰিছে ৷ এই সন্দৰ্ভত কেএলঅ ( কেএন) ৰ সহকাৰী তথ্য আৰু প্ৰচাৰ সম্পাদক এম সংকুল কোচে সংবাদ মাধ্যমলৈ প্ৰেৰণ কৰা এক প্ৰেছ বিবৃতিত কেএলঅৰ তৰফৰ পৰা আক্ৰাছুৰ প্ৰতিষ্ঠা দিৱসৰ এই বিশেষ দিনটোত সংগঠনটোৰ প্ৰতিষ্ঠাকালৰ তথা বৰ্তমানৰ সকলো নেতৃবৃন্দ আৰু কৰ্মকৰ্তাক বিপ্লৱী অভিনন্দন আৰু আন্তৰিক শুভেচ্ছা জনাইছে ৷ লগতে কোচ-ৰাজবংশী জনগোষ্ঠীৰ ৰাজনৈতিক অধিকাৰ, ভূমিৰ অধিকাৰ নিশ্চিত, শৈক্ষিক তথা আর্থ সামাজিক উন্নয়ন, ভাষা, সাহিত্য, সংস্কৃতিৰ বিকাশ, প্ৰচাৰ, প্ৰসাৰ আৰু সংৰক্ষণৰ উপৰি পৃথক কামতাপুৰ ৰাজ্যৰ পুনৰ গঠন, কোচ-ৰাজবংশী জনগোষ্ঠীক অনুসূচীত ভৈয়াম জনজাতি (এছটি-পি)ৰ মৰ্যাদা ইত্যাদিৰ দাবীত শান্তিপূর্ণ গণতান্ত্রিক পন্থাৰে সংগ্ৰাম কৰি অহা 'সদৌ কোচ-ৰাজবংশী ছাত্ৰ সন্থাই যাতে নিজৰ মাজত থকা সকলো বিভেদ, মনোমালিন্য পৰিহাৰ কৰি কোচ-ৰাজবংশী জনগোষ্ঠীৰ বৃহত্তৰ স্বাৰ্থত কম সময়ৰ ভিতৰত ঐক্যবদ্ধ হয় আৰু ঘোষিত মহান লক্ষ্য উদ্দেশ্যৰে আপোচহীন ভাবে সংগ্ৰামত নামে তাৰ কামনা কৰিছে কমতাপুৰ লিবাৰেচন অর্গেনাইজেচন (কেএলঅ) আৰু কমতাপুৰ লিভাৰেচন অর্গেনাইজেচন (কেএন) য়ে ৷ বিবৃতিটোত লগতে আক্ৰাছুৰ প্ৰতিষ্ঠা দিৱসৰ এই দিনটোত জনগোষ্ঠীটোৰ প্ৰাপ্য সাংবিধানিক অধিকাৰ প্ৰতিষ্ঠাৰ সংগ্ৰামত সংশ্লিষ্ট বিভিন্ন পক্ষৰ অত্যাচাৰ, নির্যাতনৰ বলি হৈ ঘূণীয়া হোৱা সংগ্ৰামী সতীৰ্থ সকলৰ প্ৰতি সহানুভূতি প্ৰকাশ কৰাৰ লগতে তেওঁলোকৰ আশু আৰোগ্য কামনা কৰিছে । একেদৰে বিভিন্ন জেল হাজতত বন্দী হৈ থকা সকলো সতীৰ্থ সকলৰ প্ৰতিও সহানুভূতি জনোৱাৰ লগতে তেওঁলোকৰ মুক্তি কামনা কৰিছে কেএলঅই ৷🔯