🔯বঙাইগাঁৱত আছুৰ উদ্যোগত তিনিদিনীয়াকৈ অনুষ্ঠিত গ্রীষ্মকালীন চিত্র কর্মশালাৰ সফল সামৰণি🔯

🔯বঙাইগাঁৱত আছুৰ উদ্যোগত তিনিদিনীয়াকৈ অনুষ্ঠিত গ্রীষ্মকালীন চিত্র কর্মশালাৰ সফল সামৰণি🔯 

পঞ্চাশ গৰাকী ছাত্র- ছাত্রীক মানপত্র প্রদান 

📝বঙাইগাঁওঃ ২৮ জুলাই: বঙাইগাঁও আঞ্চলিক ছাত্র সন্থাৰ উদ্যোগত আৰু প্রবীৰ আর্ট একাডেমীৰ সহযোগত বঙাইগাঁও জিলা ছাত্রসন্থাৰ কার্যালয় শ্বহীদ ভৱনত তিনিদিনীয়াকৈ অনুষ্ঠিত গ্রীষ্মকালীন চিত্র কর্মশালাৰ দেওবাৰে সামৰণি পৰে ৷ উল্লেখ্য যে ২৬ জুলাই শুকুৰবাৰে আৰম্ভ হোৱা গ্রীষ্মকালীন চিত্রকর্মশালাৰ দেওবাৰে অন্তিমদিনা অসম উন্নতি সভাৰ বঙাইগাঁও জিলা সমিতিৰ উপদেষ্টা ড° ৰানু ৰায়, সভাপতি অজিত কুমাৰ দাস, সম্পাদক সুকুমাৰ শর্মা, সদৌ অসম ছাত্র সন্থাৰ ৰাজ্যিক কাৰ্যনিৰ্বাহক নিলোৎপল চক্রৱর্তীৰ লগতে বঙাইগাঁও জিলা ছাত্র সন্থাৰ সদস্যবৃন্দ উপস্থিত থাকে ৷

এই গ্রীষ্মকালীন চিত্রকর্মশালাত প্রশিক্ষক হিচাপে ত্রিপুৰা বিশ্ববিদ্যালয়ৰ প্রবীৰ শীল আৰু অক্ষয় ৰয়, কোকৰাঝাৰ মিউজিক এণ্ড ফাইন আর্টছ কলেজৰ ৰশ্মি উপাধ্যায় আৰু বিকাশ ৰাভা উপস্থিত থাকি প্ৰশিক্ষণ প্ৰদান কৰে ৷ গ্রীষ্মকালীন চিত্রকর্মশালাত উপস্থিত থকা ৫০ গৰাকী ছাত্র- ছাত্রীক মানপত্র প্রদান কৰা হয় ৷ গ্রীষ্মকালীন চিত্রকর্মশালাৰ সামৰণি অনুষ্ঠানত বঙাইগাঁও জিলা ছাত্র সন্থাৰ উপ সভাপতি কুলজিৎ ৰায়, সহকাৰী সাধাৰণ সম্পাদক অমৰজিৎ গোৱালা, সাহিত্য সম্পাদক প্রসেনজিৎ দাস, আঞ্চলিক ছাত্র সন্থাৰ সভাপতি হৃর্তীক মেধী আৰু সহকাৰী সাধাৰণ সম্পাদক জনী ৰায় আদিয়ে উপস্থিত থাকে ৷