🔯কেএলঅ (কেএন) সদস্য নাৰায়ণ বৰ্মন ওৰফে বিক্ৰম কোচ ওৰফে বিজিত নাৰায়ণ কোচক সংগঠনৰ পৰা বহিষ্কাৰ🔯

🔯কেএলঅ (কেএন) সদস্য নাৰায়ণ বৰ্মন ওৰফে বিক্ৰম কোচ ওৰফে বিজিত নাৰায়ণ কোচক সংগঠনৰ পৰা বহিষ্কাৰ🔯

একাধিক সংগঠন বিৰোধী কাৰ্য্য কলাপৰ লগত জড়িত থকাৰ অভিযোগ

📝বঙাইগাঁওঃ ৩ আগষ্টঃ কেএলঅ (কেএন) সদস্য নাৰায়ণ বৰ্মন ওৰফে বিক্ৰম কোচ ওৰফে বিজিত নাৰায়ণ কোচক একাধিক সংগঠন বিৰোধী কাৰ্য্য কলাপৰ লগত জড়িত থকাৰ অভিযোগত সংগঠনটোৰ সকলো বিষয়বাব আৰু সাধাৰণ সদস্য পদৰ পৰা বহিষ্কাৰ কৰিছে ৷ এই সন্দৰ্ভত সংগঠনটোৰ তৰফৰ পৰা সহকাৰী তথ্য আৰু প্ৰচাৰ সম্পাদকে সংবাদ মাধ্যমলৈ প্ৰেৰণ কৰা এক প্ৰেছ বিবৃতিত উল্লেখ কৰা মতে ২৯ জুনত কেএলঅ (কেএন) ৰ 'সাধাৰণ পৰিষদ'ৰ এখন বিশেষ সভা অনুষ্ঠিত হৈছিল। উক্ত সভাত বঙাইগাঁও জিলাৰ বঙাইগাঁও থানাৰ অন্তৰ্গত টাকোৱামাৰী গাঁৱৰ মাধৱ বৰ্মনৰ পুত্ৰ নাৰায়ণ বৰ্মন ওৰফে বিক্ৰম কোচ ওৰফে বিজিত নাৰায়ণ কোচৰ একাধিক সংগঠন বিৰোধী কাৰ্য্যৰ, বিশেষকৈ পশ্চিমবঙ্গ পুলিচৰ বিশেষ বিভাগ বিশেষ টাস্ক ফ'ৰ্চ (এছটিএফ) ৰ শীৰ্ষ অধিকাৰি সুদীপ ভট্টাচাৰ্যৰ সৈতে গোপন সম্পৰ্ক ৰক্ষা কৰি কেএলঅ (কেএন) ৰ নেতা সদস্যক ধৰাই দিয়া, হত্যা কৰা ইত্যাদি পৰিকল্পনা আৰু অনবৰতে দলীয় শৃংখলা তথা গোপনীয়তা ভংগ কৰি থকা বিষয়বিলাক গুৰত্ব সহকাৰে আলোচনা কৰা হয়। সভাই নাৰায়ণ বৰ্মন ওৰফে বিক্ৰম কোচ ওৰফে বিজিত নাৰায়ণ কোচৰ ওপৰোক্ত সকলোবোৰ কার্যকলাপ কেএলঅ (কেএন) আৰু কোচ কামতাপুৰী জনগণৰ প্ৰতি চৰম ভাবুকি আৰু ক্ষতিকৰ বুলি গণ্য কৰে আৰু সাধাৰণ পৰিষদে সৰ্বসম্মতিক্রমে প্রস্তাৱ গৃহীত কৰি তাৎক্ষণিভাবে কার্যকৰী হোৱাকৈ সংগঠনটোৰ সকলো বিষয়বাব আৰু সাধাৰণ সদস্য পদৰ পৰা নাৰায়ণ বৰ্মন ওৰফে বিক্ৰম কোচ ওৰফে বিজিত নাৰায়ণ কোচক বহিষ্কাৰ কৰে। সেয়ে এতিয়াৰ পৰা নাৰায়ণ বৰ্মন ওৰফে বিক্ৰম কোচ ওৰফে বিজিত নাৰায়ণ কোচ কেএলঅ (কেএন) ৰ কোনো সদস্য-কর্মী নহয় আৰু তেওঁ ভৱিষ্যতে কৰা আইনী -বে-আইনী কোনোধৰণৰ কাৰ্যকলাপৰ বাবে কামতাপুৰ লিবাৰেশ্যন অৰ্গেনাইজেশ্যন (কেএন) কোনোপ্ৰকাৰে দায়ী নহ'ব বুলি সহকাৰী তথ্য আৰু প্ৰচাৰ সম্পাদকজনে বিবৃতিটোত উল্লেখ কৰিছে ৷