বঙাইগাঁৱত প্ৰিজাইডিং আৰু পোলিং বিষয়াৰ প্ৰথম পৰ্যায়ৰ প্ৰশিক্ষণ সম্পন্ন

বঙাইগাঁৱত প্ৰিজাইডিং আৰু পোলিং বিষয়াৰ প্ৰথম পৰ্যায়ৰ প্ৰশিক্ষণ সম্পন্ন

       

      

                               
     
                                    বঙাইগাঁওঃ১৬ মাৰ্চঃ

৬ নং বৰপেটা লোকসভা সমষ্টিৰ অন্তৰ্গত ৩২ নং বঙাইগাঁও বিধানসভাৰ অধীনৰ প্ৰিজাইডিং আৰু পোলিং বিষয়াসকলক আজি বীৰঝৰা কন্যা মহাবিদ্যালয়ত প্ৰথম পৰ্যায়ৰ প্ৰশিক্ষণ দিয়া হয় ৷ তেওঁলোকক মাষ্টাৰ প্ৰশিক্ষক ৰোহিনী চৌধুৰী , জীৱন ৰয়, বিজয় মজুমদাৰ, ৰূপাঞ্জলী দেৱী, জিমলি দাস, সতীশ তালুকদাৰ, কমলকৃষ্ণ গুপ্তা আদিকে কৰি ১০ গৰাকী প্ৰশিক্ষকে প্ৰশিক্ষণ দিয়ে। প্ৰশিক্ষণত প্ৰিজাইডিং আৰু পোলিং বিষয়াসকলক ই ভি এম ত ভোট গ্ৰহণ আৰু ভিভি পেট ব্যৱহাৰ সম্পৰ্কে শিকোৱা  হয়।তদুপৰি ভোট গ্ৰহণৰ অন্যান্য কাম যেনে 

মকপোল প্ৰিজাইডিং বিষয়াৰ ডায়েৰী লিখা , দৰকাৰী প্ৰ-পত্ৰ পূৰণ আদিৰ বিষয়েও শিকোৱা হয়। উল্লেখ্য যে বঙাইগাঁও বিধান সভা সমষ্টিত আঠ টা ভোট গ্ৰহণ কেন্দ্ৰত মহিলাকো প্ৰিজাইডিং আৰু পোলিং বিষয়া হিচাপে নিয়োগ কৰা হ'ব । বঙাইগাঁও সমষ্টিটোত পুৰুষ আৰু মহিলা মিলি মুঠ ১২০৮ গৰাকী প্ৰিজাইডিং আৰু পোলিং বিষয়াই ২৪২ টা ভোট গ্ৰহণ কেন্দ্ৰত ভোট গ্ৰহণত নিয়োজিত হ'ব ৷ আজিৰ প্ৰশিক্ষণ কাৰ্যসূচী বঙাইগাঁও জিলাৰ উপায়ুক্ত আদিল খানে  সামগ্ৰিকভাবে  তদাৰক কৰে।