মজদুৰ ইউনিয়নৰ নিউ বঙাইগাঁও ৰানিং শাখাৰ অধিৱেশন সম্পন্ন

মজদুৰ ইউনিয়নৰ নিউ বঙাইগাঁও ৰানিং শাখাৰ অধিৱেশন সম্পন্ন

   

                              বঙাইগাঁওঃ ২৭ এপ্ৰিলঃ

উত্তৰ পূব সীমান্ত ৰে'লৱে মজদুৰ ইউনিয়নৰ নিউ বঙাইগাঁও ৰানিং শাখাৰ তৃতীয় বাৰ্ষিক অধিৱেশনখন আজি নিউ বঙাইগাঁওস্থিত কাৰ্যালয় প্ৰাংগণত দিনজোৰা কাৰ্যসূচীৰে অনুষ্ঠিত হৈ যায় ৷ অধিৱেশনৰ কাৰ্যসূচী অনুসৰি শাখাৰ সভাপতি দেৱৰাজ দাসে পতাকা উত্তোলন কৰাৰ পিছত সমূহীয়াভাবে ছহিদ তৰ্পণ কৰা হয় ৷  ইয়াৰ পিছতে অনুষ্ঠিত হয় মুকলি সভা ৷ ইউনিয়নৰ উপ সভাপতি ফণীধৰ দাসৰ সভাপতিত্বত অনুষ্ঠিত মুকলি সভাত ইউনিয়নৰ কেন্দ্ৰীয় যুটীয়া সম্পাদক আশীষ বিশ্বাসে নিজৰ ভাষণত কেন্দ্ৰৰ মোদী চৰকাৰক তীব্ৰ সমালোচনা কৰি কয় যে - মোদী চৰকাৰৰ শ্ৰমিক বিৰোধী নীতিয়ে তেওঁলোকৰ পতন মাতি আনিলে ৷ এই কথা অহা ২৩ মেত প্ৰমাণ হ'ব ৷ কাৰণ সিদিনা  লোক সভা নিৰ্বাচনৰ ফলাফল ঘোষণা হ'ব ৷ শ্ৰমিক বিৰোধী স্থিতি গ্ৰহণ কৰা চৰকাৰৰ পতন অনিবাৰ্য বুলিও কয় ৷

 সভাত ইউনিয়নৰ ৰঙিয়া ডিভিজনৰ আহ্বায়ক সমীৰ চুনী মুছাহাৰীৰ লগতে দ্বীপেন বৰা, শম্ভু প্ৰসাদ দাস , মনোৰঞ্জন নায়ক , মৃণাল শীল প্ৰমুখ্যে কেইবাজনো নেতা উপস্থিত থাকে ৷ ইপিনে এই সভাতেই দেৱৰাজ দাসক সভাপতি , এচ এন সিঙক সম্পাদক আৰু ৰাকেশ কুমাৰক কোষাধ্যক্ষ হিচাপে লৈ আগন্তুক ২০১৯-২০ বৰ্ষৰ বাবে ১৬ জনীয়া  নিউ বঙাইগাঁও ৰানিং শাখাৰ সমিতিখন নতুনকৈ গঠন কৰা হয় ৷