বঙাইগাঁৱত সাংবাদিকৰ গৃহত চুৰি

       
              বঙাইগাঁৱত সাংবাদিকৰ গৃহত চুৰি

                            বঙাইগাঁওঃ ১৬ এপ্ৰিলঃ

বঙাইগাঁও  চহৰৰ ১৭ নম্বৰ ৱাৰ্ড তথা দুই নম্বৰ ৰেল গেটৰ কাষৰ নিবাসী শিৱাণী ভৌমিকৰ বাসগৃহত কালি ( সোমবাৰ)বিয়লিৰ ভাগত চুৰিৰ ঘটনা সংঘটিত হয় ৷ শিৱাণী ভৌমিক কলকাতাত আত্মীয়ৰ ঘৰত থকাৰ বিপৰীতে সাংবাদিক পুত্ৰ- বোৱাৰীয়ে পহিলা ব'হাগ উপলক্ষে নিউ বঙাইগাঁও বিজি কলনিৰ দোকানত পূজা কৰাৰ বাবে যোৱাৰ সময়তে ঘৰত কোনো নথকাৰ সুযোগত চোৰৰ দলে  চুৰি কাণ্ড সংঘটিত কৰে ৷ জানিব পৰা মতে, শিৱাণী ভৌমিকৰ গৃহত বিয়লি ভাগত চোৰৰ দলে দেৱাল বগাই প্ৰৱেশ কৰাৰ লগতে ঘৰৰ দুৱাৰৰ তলা ভাঙি সোমায় ৷ ঘৰৰ ভিতৰত চোৰৰ দলে পৰিয়ালটোৰ ছকেজ, ষ্টিল আলমিৰা ভঙাৰ লগতে বস্তু বাহানি লণ্ড ভণ্ড কৰে ৷ গধূলি পৰিয়ালটোৰ সদস্য তথা দৈনিক যুগশংখ কাকতৰ বঙাইগাঁৱৰ প্ৰতিনিধি  জ্যোতিৰ্ময় ভৌমিক পৰিয়ালসহ দোকানৰ পৰা অহাৰ পাছতহে চুৰি হোৱা ঘটনা পোহৰলৈ আহে ৷ জানিব পৰা মতে, চোৰৰ দলে ষ্টিল আলমিৰাত থকা নগদ কুৰি হেজাৰ টকা, অনুমানিক চল্লিশ হেজাৰ টকা মূল্যৰ সোণৰ অলংকাৰ লুট কৰি নিয়ে ৷ ঘটনা সন্দৰ্ভত সাংবাদিক জ্যোতিৰ্ময় ভৌমিকে বঙাইগাঁও সদৰ থানাত এক এজাহাৰ দাখিল কৰিছে ৷