NEWS 4 BONGAIGAON

👉#বঙাইগাঁৱত সাংবাদিকক ফোনযোগে ভাবুকি আৰক্ষী বিষয়াৰ

👉#ভাবুকি দিওতাৰ বিৰুদ্ধে গোচৰ সাংবাদিকৰ

👉#ব্যৱস্থা গ্ৰহণ-সাংবাদিকৰ নিৰাপত্তা সুনিশ্চিত কৰাৰ দাবীত আৰক্ষী অধীক্ষকক প্ৰেছ ক্লাবৰ স্মাৰকপত্ৰ

                     🔯#বঙাইগাঁও, ৭ এপ্ৰিলঃ

 🔯#বাতৰি প্ৰকাশ কৰাৰ বাবেই বঙাইগাঁও জিলাৰ এগৰাকী সাংবাদিকক এগৰাকী আৰক্ষী বিষয়াই ফোনযোগে ভাবুকি দিয়া কাৰ্যই সাংবাদিক মহলৰ মাজত তীব্ৰ প্ৰতিক্ৰিয়াৰ সৃষ্টি কৰিছে ৷ ঘটনা সন্দৰ্ভত ইতিমধ্যে ভুক্তভোগী সাংবাদিক ধৰম ৰঞ্জন ৰয়ে বঙাইগাঁও সদৰ থানাত এজাহাৰ দাখিল কৰিছে ৷ #জানিব পৰামতে কালি সন্ধিয়াৰ ভাগত ’অসমীয়া প্ৰতিদিন’ কাকতৰ বঙাইগাঁৱৰ সাংবাদিক ধৰম ৰঞ্জন ৰয়লৈ 8638516907 ফোন নম্বৰৰ পৰা ফোন কৰি এজন লোকে কেতবোৰ মিছা অভিযোগ তুলি ভাবুকি প্ৰদান কৰে ৷ #লোকজনে তেওঁৰ পৰা সাংবাদিকগৰাকীয়ে ৫০ হেজাৰ টকা বিচৰা বুলি মনেসজা অভিযোগ আনি উক্ত টকা নিদিয়া বাবেই বাতৰি কৰা বুলি কয় আৰু সাংবাদিকগৰাকীক চাই লোৱাৰ ভাবুকি দিয়ে ৷ #ইফালে ভাবুকি দিওতাজনে নিজৰ পৰিচয় নিদিয়াৰ লগতে কোনো নিৰ্দিষ্ট বাতৰিৰ বিষয়ে কোৱা নাই বুলি জানিব পৰা গৈছে ৷ ধন দাবীৰ দৰে মিছা অভিযোগ তুলি হঠাৎ এনেদৰে অজ্ঞাত ফোন নম্বৰৰ পৰা অহা ভাবুকিত সাংবাদিকগৰাকী হতভম্ভ হৈ পৰে আৰু বিষয়টো কাৰ্যালয়ৰ লগতে বৃহত্তৰ বঙাইগাঁও প্ৰেছ ক্লাবৰ বিষয়ববীয়াকো অৱগত কৰে ৷ ইয়াৰ পিছতে বিষয়টোক লৈ আজি বৃহত্তৰ বঙাইগাঁও প্ৰেছ ক্লাবত এখন জৰুৰী সভা অনুষ্ঠিত হয় আৰু সভাৰ সিদ্ধান্তমৰ্মে সাংবাদিক ধৰম ৰঞ্জন ৰয়ে ভাবুকি দিয়া নম্বৰটোৰ বিৰুদ্ধে বঙাইগাঁও সদৰ থানাত এখন এজাহাৰ দাখিল কৰে ৷ #সেইদৰে বৃহত্তৰ বঙাইগাঁও প্ৰেছ ক্লাবৰ তৰফৰ পৰাও ঘটনাটোক গৰিহণা দি উচিত তদন্ত আৰু সাংবাদিকৰ নিৰাপত্তা সুনিশ্চিত কৰাৰ দাবীত জিলাৰ আৰক্ষী অধীক্ষকক এখন স্মাৰকপত্ৰ প্ৰদান কৰে ৷ ই#ফালে ফোন নম্বৰটোৰ বিষয়ে অনুসন্ধান চলোৱাত পিচত উক্ত ফোন নম্বৰটো উত্তৰ শালমাৰা আৰক্ষী চকীৰ ভাৰপ্ৰাপ্ত বিষয়া সঞ্জয় লস্কৰে ব্যৱহাৰ কৰি থকা বুলি বিশেষ সূত্ৰে জানিব পৰা গৈছে ৷ এই তথ্য পোহৰলৈ অহাৰ পিচতে সাংবাদিক মহলৰ লগতে সংগঠনসমূহৰ মাজতো ব্যাপক প্ৰতিক্ৰিয়াৰ সৃষ্টি হৈছে ৷ গণতন্ত্ৰৰ চতুৰ্থ স্তম্ভৰ ওপৰত মিছা অভিযোগ তুলি ভাবুকিৰে মুখ বন্ধ কৰিব বিচৰা কাৰ্যক বিভিন্নজনে ধিক্কাৰ দিছে আৰু আৰক্ষী বিষয়াজনৰ বিৰুদ্ধে ব্যৱস্থা গ্ৰহণৰ দাবী তুলিছে ৷ #মন কৰিবলগীয়া যে যোৱা ৫ এপ্ৰিলত জিলা প্ৰশাসনে উত্তৰ শালমাৰা আৰক্ষী চকীৰ অন্তৰ্গত শিঙিমাৰীত স্থানীয় আৰক্ষীৰ অজ্ঞাতে অভিযান চলাই অবৈধ সুৰাৰ এটা বৃহৎ ঘাটী উৎখাত কৰিছিল ৷ এই ঘাটীটো আৰক্ষী আৰু আবকাৰী বিভাগৰ ছত্ৰছায়াতে চলি আছিল বুলি অভিযোগ উত্থাপিত হৈ আহিছিল ৷ #আৰক্ষী-আবকাৰী বিভাগৰ ছত্ৰছায়াতে চলি থকা উক্ত ঘাটীটো উৎখাত কৰাৰ পিচতে বিভিন্ন পক্ষৰ মাজত হাহাকাৰ লাগে ৷ উক্ত বাতৰি আন কাকতৰ লগতে অসমীয়া প্ৰতিদিনতো প্ৰকাশ পাইছিল ৷ উত্থাপিত অভিযোগ মতে অবৈধ সুৰা মাফিয়াৰ সৈতে এইগৰাকী আৰক্ষী বিষয়াৰ আছে মধুৰ সম্পৰ্ক ৷ সেয়ে বাতৰি প্ৰকাশ পোৱাত ক্ষুব্ধ হৈ অবৈধ সুৰা মাফিয়াৰে সম্পৰ্ক বজাই ৰখা আৰক্ষী বিষয়াগৰাকীয়ে সাংবাদিকগৰাকীক ভাবুকি দিয়া বুলি সন্দেহ কৰা হৈছে ৷ #বিষয়টো ইতিমধ্যে উৰ্ধতন মহলকো জনোৱা হৈছে ৷

ইফালে উক্ত ঘটনাৰ প্ৰতিক্ৰিয়া প্ৰকাশ কৰি বঙাইগাঁও জিলা ছাত্ৰ সন্থাই কয় যে সম্প্ৰতি বিশ্বত ক’ৰোণা মহামাৰীয়ে আতংকৰ সৃষ্টি কৰিছে ৷ এই ৰোগ যাতে সংক্ৰমণ হ’ব নোৱাৰে তাৰবাবে ইতিমধ্যে ভাৰত চৰকাৰে ২১ দিনীয়া লক ডাউন ঘোষণা কৰিছে ৷ চৰকাৰৰ এই নিৰ্দেশ মানি লৈ সকলো এতিয়া স্বগৃহত আছে ৷ #লক ডাউনৰ এই দুৰ্যোগৰ মাজতো চিকিৎসক, চিকিৎসাকৰ্মী, ১০৮ সেৱাৰ কৰ্মী, আৰক্ষী তথা সাংবাদিকসকলে নিজৰ কৰ্তব্য পালন কৰি আছে ৷ তেওঁলোকক আমি শ্ৰদ্ধা জনাইছো ৷ কিন্তু ইয়াৰ মাজতে বঙাইগাঁও জিলাৰ উত্তৰ শালমাৰা আৰক্ষী চকীৰ ভাঃ বিষয়া সঞ্জয় লস্কৰে অসমীয়া প্ৰতিদিন কাকতৰ বঙাইগাঁৱৰ সাংবাদিক ধৰম ৰঞ্জন ৰয়ৰ বিৰুদ্ধে মিছা অভিযোগ তুলি যি ভাবুকি দিলে তাত সদৌ বঙাইগাঁও জিলা ছাত্ৰ সন্থাই তীব্ৰ গৰিহণা দিয়ে ৷ #যি সময়ত আৰক্ষী অধীক্ষককে ধৰি একাংশ আৰক্ষী বিষয়া দিনে ৰাতি কষ্ট কৰি সম্প্ৰতি পৰিস্থিতি নিয়ন্ত্ৰণ কৰি আহিছে তেনে সময়তে এগৰাকী আৰক্ষী বিষয়াই সুৰা মাফিয়াৰ স’তে মিতিৰালি পাতি সাংবাদিকক ভাবুকি দিয়া কাৰ্য কোনোপধ্যেই গ্ৰহণযোগ্য নহয় ৷ #এই ঘটনাক তীব্ৰ গৰিহণা দি অতি কম দিনৰ ভিতৰত এইগৰাকী আৰক্ষী বিষয়াৰ বিৰুদ্ধে কঠোৰ শাস্তিমূলক বিহীত ব্যৱস্থা গ্ৰহণ কৰিবৰ বাবে বঙাইগাঁও জিলাৰ আৰক্ষী অধীক্ষকক দাবী #জনায়৷