🔯কেএচিৰ নৱ নিযুক্ত মুখ্য কাৰ্যবাহী পাৰিষদ জীৱেশ ৰায়ক কেপিএফৰ শুভেচ্ছা

🔯কেএচিৰ নৱ নিযুক্ত মুখ্য কাৰ্যবাহী পাৰিষদ জীৱেশ ৰায়ক কেপিএফৰ শুভেচ্ছা🔯

বঙাইগাঁও আৰু চিদলী বিধানসভা সমষ্টিৰ উপ নিৰ্বাচনত প্ৰদান কৰা হ'ব প্ৰাৰ্থী- বিশ্বজিৎ ৰায় 

ব্ৰজেনজিৎ সিংহক কেপিএফত যোগদান কৰিবলৈ আহ্বান

কেএলঅৰ সৈতে অতিশীঘ্ৰে আনুষ্ঠানিক আলোচনা কৰি শান্তি চুক্তি কৰিবলৈ ভাৰত চৰকাৰ আৰু অসম চৰকাৰক আহ্বান

📝বঙাইগাঁওঃ ৩০ জুলাই: অন্তৰ্ৱৰ্তীকালিন কমতাপুৰ স্বায়ত্তশাসিত পৰিষদৰ মুখ্য কাৰ্যবাহী পাৰিষদ হিচাবে আক্ৰাছুৰ প্ৰাক্তন নেতা জীৱেশ ৰায়ক অসম চৰকাৰে নিযুক্তি দিয়া বাবে অসমৰ মুখ্যমন্ত্ৰী ড° হিমন্ত বিশ্ব শৰ্মা, মন্ত্ৰীদ্বয় পীযুষ হাজৰিকা আৰু জয়ন্তমল্ল বৰুৱাক ধন্যবাদ জনোৱাৰ লগতে জীৱেশ ৰায়লৈ শুভেচ্ছা জনাইছে কমতাপুৰ পিপুলচ্‌ ফ্ৰণ্টৰ কাৰ্যকৰী সভাপতি বিশ্বজিৎ ৰায় আৰু উপসভাপতি জগন্নাথ ৰায়ে । মঙলবাৰে বিজনী প্ৰেছ ক্লাৱত এখন সংবাদ মেল সম্বোধন কৰি বিশ্বজিৎ ৰায় আৰু জগন্নাথ ৰায়ে পূৰ্বৰ মুখ্য কাৰ্যবাহী পাৰিষদজনৰ দৰে যাতে অনৈক্য তথা দুৰ্নীতিত লিপ্ত নহয় তাৰ আহ্বান জনায় ৷ লগতে কমতাপুৰ স্বায়ত্তশাসিত পৰিষদৰ জৰিয়তে কোচ ৰাজবংশীসকলৰ লগতে এই অঞ্চলত থকা বিভিন্ন জাতি-গোষ্ঠীৰ লোকসকল যাতে উন্নয়নৰ পৰা বঞ্চিত নহয় সেইটো নিশ্চিত কৰিৱলৈকো আহ্বান জনায় ৷ সেইদৰে পৰিষদখনত খালি হৈ থকা কাৰ্যবাহী পাৰিষদ আৰু সদস্য পদত কোচ ৰাজবংশীৰ লগতে আন আন জনগোষ্ঠীৰ উপযুক্ত ব্যক্তিক নিযুক্তি দি সকলোকে বিশ্বাস আৰু আস্থাত লৈ পৰিষদ পৰিচালনা কৰা প্ৰয়োজন আছে বুলি দোহাৰে । সংবাদমেলত আগন্তুক বঙাইগাঁও আৰু চিদলী বিধানসভা সমষ্টিৰ উপনিৰ্বাচনত কেপিএফ দলে প্ৰাৰ্থিত্ব দিব বুলি জনাই একালৰ জাতীয়তাবাদী নেতা তথা প্ৰাক্তন আৰক্ষী বিষয়া ব্ৰজেনজিৎ সিংহক কংগ্ৰেছ দলত যোগদানৰ বিপৰিতে কোচ ৰাজবংশী সকলোৰ লগতে নামনি অসমৰ আন আন জাতি-জনগোষ্ঠীক ৰাজনৈতিক ভাবে আগুৱাই নিয়াৰ স্বাৰ্থত আঞ্চলিক ৰাজনৈতিক দল কেপিএফ ত যোগদান কৰি নেতৃত্ব লবলৈকো আহ্বান জনায় । ইপিনে সংবাদমেলত কেএলঅৰ অধ্যক্ষ জীৱন সিংহ কোচৰ সৈতে আজি প্ৰায় দুবছৰে প্ৰত্যেক আলোচনা নকৰাতো দুৰ্ভাজনক বুলি মন্তব্য কৰি বিশ্বজিৎ ৰায়ে লগতে কয় যে কেন্দ্ৰীয় চৰকাৰ, অসম চৰকাৰ আৰু কেএলঅৰ অধ্যক্ষ জীৱন সিংহ কোচৰ আহ্বানক সহাৰি জনাই যোৱা ২৩ জনুত ডি এল কোচ নেতৃত্বাধীন কেএলঅ (এনকে) বিভাজিত গোটৰ অধ্যক্ষ ডি এল কোচ আৰু তেখেতৰ সতীৰ্থসকলে মূলসুতিলৈ ঘুৰি আহি বৰ্তমান ভাৰত চৰকাৰৰ সংশ্লিষ্ট কতৃপক্ষৰ ওচৰত আছে ৷ কেএলঅ(কেএন) ৰ অধ্যক্ষ ডি এল কোচৰ বিবৃতিৰ আতধৰি বিশ্বজিৎ ৰায়ে কয় যে কেএলঅৰ অধ্যক্ষ জীৱন সিংহ কোচৰ সৈতে কেন্দ্ৰীয় চৰকাৰৰ কেবাবাৰো অনানুষ্ঠানিকভাৱে আলোচনা হৈছে আৰু কোচ ৰাজবংশীসকলৰ সমাধান নহোৱা কেবাটাও বিষয় সমাধানৰ বাবে কেন্দ্ৰীয় চৰকাৰ সন্মত হৈছে ৷ ডি এল কোচে বিবৃতিযোগে প্ৰকাশ কৰা বিষয়সমূহ জাতে কেন্দ্ৰীয় চৰকাৰে কেএলঅৰ সৈতে অতিশীঘ্ৰে আনুষ্ঠানিক আলোচনা কৰি শান্তি চুক্তি কৰি সমাধান কৰে তাৰ বাবে ভাৰত চৰকাৰ আৰু অসম চৰকাৰক আহ্বান জনায় । বিশ্বজিৎ ৰায়ে কোচ ৰাজবংশী সকলৰ ভবিষ্যতৰ প্ৰতি লক্ষ্য ৰাখি সকলো ধৰণৰ মতাদৰ্শ ত্যাগ কৰি আক্ৰাছুক একত্ৰিত হবলৈও আহ্বান জনায় ।🔯