🔯বঙাইগাঁৱত বিশেষ প্ৰসৱপূর্বক স্বাস্থ্য পৰীক্ষা কাৰ্যসূচী🔯

🔯বঙাইগাঁৱত বিশেষ প্ৰসৱপূর্বক স্বাস্থ্য পৰীক্ষা কাৰ্যসূচী🔯

📝বঙাইগাঁওঃ ৯ আগষ্টঃ ৰাষ্ট্ৰীয় স্বাস্থ্য অভিযান অসমে ৰাজ্যখনৰ সকলো জিলাতে এক আগষ্টৰ পৰা আৰম্ভ কৰা মাহজোৰা  বিশেষ প্ৰসৱপূর্বক স্বাস্থ্য পৰীক্ষা (এ এন চি) অভিযান কাৰ্যসূচী বঙাইগাঁও জিলাতো চলি আছে ৷ এই অভিযানৰ অংশ হিচাপে শুকুৰবাৰে বঙাইগাঁৱৰ ৰামকৃষ্ণ মিচনত এই বিশেষ প্ৰসৱপূৰ্বক কাৰ্যসূচী অনুষ্ঠিত হয় । বঙাইগাঁও জিলা স্বাস্থ্য সমিতিৰ উদ্যোগত অনুষ্ঠিত এই অনুষ্ঠনত স্বাস্থ্য বিভাগৰ জিলা নিৰীক্ষণ বিষয়া ডাঃ বাদল চন্দ্ৰ সৰকাৰ, মহকুমা স্বাস্থ্য আৰু চিকিৎসা বিষয়া ডাঃ মহিবুল ইছলাম, জিলা মেলেৰিয়া বিষয়া ডাঃ ইমদাদুল ইছলাম খান, স্বাস্থ্য বিষয়া ডাঃ বিনীতা ডেকা , জিলা বাহক জনিত ৰোগ পৰামৰ্শ দাতা ধ্ৰুৱজ্যোতি চৌধুৰী, জিলা মিডিয়া বিশেষজ্ঞ সঙ্গীতা দাস, এএনএম, প্ৰসূতি মাতৃ, গৰ্ভৱতী মহিলা, সাধাৰণ ৰাইজৰ লগতে স্বাস্থ্য বিভাগৰ আন আন কৰ্মচাৰী উপস্থিত থাকে। অনুষ্ঠানত স্বাস্থ্য বিভাগৰ পৰা অহা বিষয়া সকলে বিশেষ প্ৰসৱ পূৰ্বক স্বাস্থ্য পৰীক্ষা সম্পৰ্কে বক্তব্য আগবঢ়ায়। 

ইয়াৰ লগত সংগতি ৰাখি জিলা মেলেৰিয়া বিষয়া ডাঃ ইমদাদুল ইছলাম খানে বাহকজনিত ৰোগ যেনে জাপানীজ এনকেফেলিটিছ, ডেংগু, মেলেৰিয়া আদিৰ প্ৰতিৰোধ আৰু নিৰ্মূলৰ ওপৰত  জনসাধাৰণক বিতংকৈ বিশ্লেষণ কৰি জনসাধাৰণৰ মাজত সজাগতাৰ সৃষ্টি কৰে। উল্লেখ্য যে ৰাষ্ট্ৰীয় স্বাস্থ্য অভিযান অসমে আৰম্ভ কৰা বিশেষ প্ৰসৱপূৰ্ৱক স্বাস্থ্য পৰীক্ষা অভিযান হৈছে অসমৰ প্ৰসূতি মৃত্যুৰ হাৰ (এম এম আৰ) হ্ৰাস কৰাৰ অংশ বিশেষ। “গৰ্ভধাৰণৰ আৰম্ভণিতে পঞ্জীয়ন কৰক আৰু প্ৰয়োজনীয় সকলো প্ৰসৱপূৰ্বক পৰীক্ষা সম্পূৰ্ণ কৰক” এই বাৰ্তাৰে এক আগষ্টৰ পৰা আৰম্ভ কৰা এই অভিযান একত্ৰিশ আগষ্টলৈকে চলিব ৷🔯