🔯বঙাইগাঁৱৰ হাপাচাৰা বজাৰৰ ব্যৱসায়ীসকলে ক্ষতিপূৰণ পোৱাৰ পিছতো এৰা নাই স্থান🔯

🔯বঙাইগাঁৱৰ হাপাচাৰা বজাৰৰ ব্যৱসায়ীসকলে ক্ষতিপূৰণ পোৱাৰ পিছতো এৰা নাই স্থান🔯

ব্যৱস্থা গ্ৰহণৰ বাবে জিলা আয়ুক্তক হাপাচাৰা বজাৰ কমিটিৰ আবেদন

N4B:বঙাইগাঁওঃ ১১ ছেপ্টেম্বৰঃ বঙাইগাঁও জিলাৰ হাপাচাৰা বজাৰৰ ৰাষ্ট্ৰীয় ঘাইপথৰ দুয়োফালে ৭৫ ফুটৰ ভিতৰত অবৈধভাৱে দখল কৰি থকা ব্যৱসায়িক প্রতিষ্ঠানসমূহ উঠাই দিয়াৰ দাবী উত্থাপন কৰিছে হাপাচাৰা বজাৰ কমিটিয়ে ৷ উল্লেখ্য যে ৰাষ্ট্ৰীয় ঘাইপথৰ পৰিসৰ বৃদ্ধিৰ সময়ত ব্যৱসায়ী সকলে ক্ষতিপূৰণ আদায় পাইছিল, যদিও ক্ষতিপূৰণ পোৱাৰ পিছতো স্থান এৰি নিদিয়াত হাপাচাৰা বজাৰ কমিটি ক্ষুব্ধ হৈ পৰিছে ৷ এই সম্পর্কত হাপাচাৰা বজাৰ কমিটিয়ে তিনি ছেপ্টেম্বৰত বঙাইগাঁও জিলাৰ আয়ুক্তক এখন স্বাৰক পত্ৰ প্ৰদান কৰিছে ৷ হাপাচাৰা বজাৰ কমিটিৰ সভাপতি আক্রাম হুছেইন আৰু সম্পাদক অৰুণ দাস স্বাক্ষৰিত স্মাৰক পত্রত উল্লেখ কৰা মতে ৰাষ্ট্ৰীয় ঘাইপথ সংলগ্ন স্থানত দোকান ( ক্ষুদ্র ব্যৱসায়িক প্রতিষ্ঠান ) স্থাপন হোৱাত উক্ত দোকানলৈ অহা লোক সকলে বাহন ৰাখি অহাত পথটো সংকুচিত হৈ আহে ৷ তেনেতে উক্ত ঘাইপথেৰে আহযাহ কৰা যান বাহনৰ চলাচলত ব্যাঘাত জন্মে ৷ আনহাতে পথৰ কাষত যান-বাহন ৰখাই ভীৰ কৰাত মাজে সময়ে পথ দুৰ্ঘটনা সংঘটিত হৈ আহিছে বুলিও উল্লেখ কৰিছে ৷ তদুপৰি হাপাচাৰা মজলীয়া বিদ্যালয়, হাপাচাৰা হাইস্কুললৈ অহা যোৱা কৰা ছাত্র-ছাত্ৰী সকলেও সময়ে সময়ে ৰোষত পৰিবলগীয়া হয় ৷ ইপিনে ৰাষ্ট্রীয় ঘাইপথৰ দুয়োফালে ৭৫ ফুট এলেকাৰ ভিতৰত অবৈধভাৱে থকা দোকান পোহাৰ উঠাই দিবলৈ হাপাচাৰা বজাৰ কমিটিয়ে জিলা প্ৰশাসনক অৱগত কৰাৰ পিছতো কিন্তু অদ্যপি গা লৰা নাই কৰ্তৃপক্ষৰ ৷