NEWS 4 BONGAIGAON

👉#বঙাইগাঁৱত জিলা কৰ্মচাৰী পৰিষদৰ দ্বাৰা ২০০ টা পৰিয়ালৰ মাজত খাদ্য সামগ্ৰী বিতৰণ  

                            🔯#বঙাইগাঁওঃ১৫ এপ্ৰিলঃ  


👉সদৌ বঙাইগাঁও জিলা কৰ্মচাৰী পৰিষদৰ তৰফৰ পৰা আজি বঙাইগাঁৱৰ ২০০ টা পৰিয়ালৰ মাজত খাদ্য সামগ্ৰী বিতৰণ কৰে ৷ কৰ্মচাৰী পৰিষদে মহামাৰী কোৰোনা ভাইৰাছৰ সংক্ৰমণ প্ৰতিৰোধৰ বাবে দেশজুৰি চলি থকা লকডাউনৰ ফলত খাদ্য সংকটত ভোগা বঙাইগাঁৱৰ আটুগাঁও অঞ্চলৰ ১০০ টা পৰিয়ালৰ লগতে মূলাগাঁও আৰু মূলাগাঁও ৰাভাপাৰাৰ আন ১০০ টা পৰিয়ালসহ ২০০ টা পৰিয়ালৰ মাজত খাদ্য সামগ্ৰী বিতৰণ কৰে ৷ খাদ্য সামগ্ৰী হিচাপে পৰিয়ালকেইটালৈ দাইল, আটা, মিঠাতেল, নিমখ, বিস্কুট, হালধী , চাবোন আদি বিতৰণ কৰে ৷

এই সন্দৰ্ভত জিলা কৰ্মচাৰী পৰিষদৰ সভাপতি সত্যনাৰায়ণ ৰায়ে কয় যে ৰাজ্যৰ বিত্ত, শিক্ষা আৰু স্বাস্থ্যমন্ত্ৰী ড° হিমন্ত বিশ্ব শৰ্মাৰ আহ্বানমৰ্মে জিলা কৰ্মচাৰী পৰিষদৰ সমূহ বিষয়ববীয়া আৰু প্ৰতিনিধিবৰ্গই এই পৰিয়ালসকলসমূহক কিছু খাদ্য সামগ্ৰী যোগান ধৰা হয় আৰু ইয়াৰ জৰিয়তে পৰিয়াকেইটাৰ কিছু সকাহ হ'ব বুলি অনুভৱ কৰিছো ৷ খাদ্য সামগ্ৰী বিতৰণৰ সময়ত জিলা কৰ্মচাৰী পৰিষদৰ সাধাৰণ সম্পাদক পংকজ শৰ্মাৰ লগতে শংকৰ সৰকাৰ আদি উপস্থিত থাকি পৰিয়ালকেইটাৰ হাতত খাদ্য সামগ্ৰীৰ টোপোলাসমূহ তুলি দিয়ে ৷