Tuesday, April 7, 2020
Comment
লকডাউনত দুখীয়া ৰাইজৰ আলৈ আথনিঃ
অইল ইণ্ডিয়া লিমিটেডৰ ছয় নম্বৰ ষ্টেচনৰ দুগৰাকী কৰ্মচাৰীয়ে বিতৰণ কৰিলে নিত্য প্রয়োজনীয় খাদ্য সামগ্রী
বঙাইগাঁওঃ ৬ এপ্রিলঃ
কোৰোনা ভাইৰাছৰ বাবে দেশত বলবৎ হৈ থকা লকডাউনৰ সময়ত সমাজৰ অৰ্থনৈতিক ভাবে পিছপৰা পৰিয়ালে তেওঁলোকৰ পৰিয়াল চলোৱাত অসুবিধাৰ সন্মুখীন হ'বলগীয়া হোৱাৰ সময়তে বঙাইগাঁও চহৰৰ বি অ চি গেটস্থিত অইল ইন্ডিয়া লিমিটেডৰ ছয় নম্বৰ ষ্টেচনৰ দুগৰাকী কৰ্মচাৰীয়ে চহৰখনৰ গুৰুনানক নগৰৰ দিন মজুৰি কৰি পৰিয়াল চলোৱা লোকক অত্যাৱশ্যকীয় খাদ্য সামগ্রী বিতৰডণ কৰে। অইল ইণ্ডিয়া লিমিটেডৰ ছয় নম্বৰ ষ্টেচনৰ কৰ্মচাৰীদ্বয় ক্ৰমে মইনুল হক (মুকুট) আৰু আব্দুৰ ৰহিমে সোমবাৰে বঙাইগাঁৱৰ গুৰুনানক নগৰৰ চল্লিশটা দুখীয়া পৰিয়ালক চাউল, দাইল, নিমখ, সৰিয়হ, হালধি গুড়ি, মিঠা তেল, পিঁয়াজ, আলু, ছয়াবিন আদি বিতৰণ কৰে। অইল ইণ্ডিয়া লিমিটেডৰ ছয় নম্বৰ ষ্টেচনৰ কৰ্মচাৰীদ্বয়ৰ এনে প্ৰয়াসক ৰাইজে শলাগ লৈছে ৷
0 Response to " "
Post a Comment