Wednesday, April 8, 2020
Comment
চিৰাং জিলাৰ বিজনীত ড্ৰাগছসহ ৩ সৰবৰাহকাৰী আটক
🔯চিৰাং জিলা বিজনীৰ নিকটৱৰ্তী কাৱাটিকা তিনিআলিত আজি দুপৰীয়া প্ৰায় ১ বজাত আৰক্ষীৰ অভিযানত ড্ৰাগছসহ তিনিজন সৰবৰাহকাৰী আটক হয়। আটকাধীন সৰবৰাহকাৰী তিনিজন ক্ৰমে মোহন বিশ্বাস(১৮), শিৱা ৰাভা(২৪) আৰু আকাশ নাৰ্জাৰী (২২) । ইয়াৰে মোহন বিশ্বাসৰ ঘৰ বঙাইগাঁৱৰ চৌৰাগুৰীত ৷ আনহাতে শিৱা ৰাভাৰ চিৰাঙৰ ঢালিগাঁঁৱত আৰু আকাশ নাৰ্জাৰীৰ ঘৰ চিৰাঙৰ চাপাগুৰীত। আৰক্ষীয়ে ড্ৰাগছ সৰবৰাহকাৰী তিনিটাৰ পৰা ৪ টা ড্ৰাগছ ভৰ্তি কণ্টেইনাৰ , ১ টা চিৰিঞ্জ আৰু এখন AS-26 B 4013 নম্বৰৰ মটৰ চাইকেল জব্দ কৰে ।
ড্ৰাগছ সৰবৰাহকাৰী মোহন বিশ্বাসৰ ঘৰত আৰক্ষীয়ে অভিযান চলাই নগদ ৫ হাজাৰ টকাও জব্দ কৰে। পিছত আৰক্ষীয়ে বিজনী থানাত ড্ৰাগছসহ সৰবৰাহকাৰী তিনি জনক আটক কৰি আনে ৷ ইফালে লকডাউন ভংগ কৰা অভিযোগত কাৱাটিকা তিনিআলিত As-19 L 7501 নম্বৰ এখন মটৰ চাইকেল জব্দ কৰা লগতে নৌহৌৰচাৰ গয়াৰী (২০) আৰু বহিম বসুমতাৰী (১৯) নামৰ যুবক দুইজনক আৰক্ষীয়ে আটক কৰে। নৌহৌৰচাৰ গয়াৰীৰ ঘৰ ৰুণীখাটা চাৰিআলিত আৰু বহিম বসুমতাৰীৰ ঘৰ চুভাইঝাৰত ।
0 Response to " "
Post a Comment