NEWS 4 BONGAIGAON

👉বঙাইগাঁৱত দুখীয়া পৰিয়ালৰ ব্যক্তিলৈ শিক্ষকে আগবঢ়ালে খাদ্য সামগ্ৰী

                                        বঙাইগাঁওঃ ৮ এপ্ৰিলঃ 

বঙাইগাঁও মহকুমা প্ৰাথমিক শিক্ষক সন্মিলনীৰ তৰফৰ পৰা আজি বিদ্যালয়সমূহৰ উপ পৰিদৰ্শৰ কাৰ্যালয়ৰ আশে- পাশে থকা সাত গৰাকী শিক্ষক- শিক্ষয়িত্ৰীয়ে একেলগে প্ৰত্যেকে নূন্যতম পাঁচ গৰাকীকৈ দুখীয়া পৰিয়ালৰ ব্যক্তিক খাদ্য সামগ্ৰী বিতৰণ কৰে ৷ খাদ্য সামগ্ৰীসমূহ বিদ্যালয়সমূহৰ উপ পৰিদৰ্শকৰ কাৰ্যালয় প্ৰাংগণত বিতৰণ কৰে ৷ খাদ্য সামগ্ৰী হিচাপে দাইল, আলুু,মিঠাতেল, পিঁয়াজ,নিমখ, বিস্কুত আৰু চাবোন যোগান ধৰে ৷ এই খাদ্য সামগ্ৰী বিতৰণ সন্দৰ্ভত বঙাইগাঁও মহকুমা প্ৰাথমিক শিক্ষক সন্মিলনীৰ সাধাৰণ সম্পাদক দিলীপ কুমাৰ ৰায়ে কয় যে অসম চৰকাৰৰ বিত্ত, শিক্ষা আৰু স্বাস্থ্যমন্ত্ৰী ড° হিমন্ত বিশ্ব শৰ্মাই জনোৱা আহ্বানৰ প্ৰতি সহাৰি জনাই আমি এইদৰে খাদ্য সামগ্ৰী বিতৰণ কৰিছো ৷ সাধাৰণ সম্পাদকগৰাকীয়ে লগতে বঙাইগাঁও মহকুমাৰ বিভিন্ন প্ৰান্তত থকা শিক্ষকসকলোকো তেওঁলোকৰ নিজৰ নিজৰ এলেকাৰ কমেও পাঁচটাকৈ দুখীয়া পৰিয়ালৰ ব্যক্তিলৈ সহায় আগবঢ়াবলৈ সন্মিলনীৰ তৰফৰ পৰা আহ্বান জনায় ৷

ইপিনে বঙাইগাঁও মহকুমাৰ সমূহ প্ৰাথমিক বিদ্যালয়ৰ শিক্ষকে কোৰোনাৰ বিৰুদ্ধে যুঁজৰ অংশীদাৰ হৈ এদিনৰ দৰমহা হিচাপে প্ৰায় ৬.৫ লাখ টকা অসম আৰোগ্য নিধিলৈ পোনে পোনে জমা দিবলৈ বিদ্যালয়সমূহৰ উপ পৰিদৰ্শকক কৰ্তৃত্ব প্ৰদান কৰি বৰঙণি দিবলৈ সক্ষম হোৱা বুলিও কয় ৷ আনহাতে বঙাইগাঁও মহকুমাৰ এম ই স্কুলৰ শিক্ষকসকলৰ প্ৰায় ৩.৫ লাখ টকা আৰোগ্য নিধিলৈ বৰঙণি হিচাপে আগবঢ়াবলৈ সক্ষম হোৱা বুলিও কয় ৷