NEWS 4 BONGAIGAON

👉#বিজনীত ছাত্ৰ সন্থাই শ্ৰমদান কৰি দৰিদ্ৰ পৰিয়াল এটিক সাঁজি দিলে গৃহ

২৮ এপ্ৰিলঃ

 🔯চিৰাং জিলাৰ বিজনী মহকুমাৰ অন্তৰ্গত শিলিখাগুৰীৰ দৰিদ্ৰ পৰিয়াল এটিৰ কাষত ঠিয় দিলে ছাত্ৰ সন্থা ৷ এই তিনি জনীয়া পৰিয়ালটিৰ কৰুণ অৱস্থা দেখি ছাত্ৰ সন্থাৰ কৰ্মীসকলে নিজে শ্ৰমদান কৰি মঙলবাৰে সাঁজি দিলে এটি গৃহ ৷ উল্লেখ্য যে উন্নয়নৰ নামত ঢাক- ঢোল বজোৱা বিজেপি চৰকাৰৰ তথা মিত্ৰ দল বিপিএফে পৰিৱৰ্তনৰ নামত  শ্লোগান দি গাদী দখল কৰিলে যদিও চৰকাৰৰ চকু নপৰিল এই দুৰ্ভোগীয়া পৰিয়ালটোৰ ওপৰত । পৰিয়ালটোৰ থাকিবলৈ নাই এটি গৃহ ৷ 

ফলত বিগত ৩ বছৰ ধৰি প্লাষ্টিকৰ তলতেই জীৱন- নিৰ্বাহ কৰি আছে । চৰকাৰী কোনো আঁচনিয়ে ঢুকি পোৱা নাই এই দুখীয়া পৰিয়ালকটোক । চিৰাং জিলাৰ বিজনী পণবাৰী পথৰ দাঁতিত প্লাষ্টিকৰ তলত মণ্ডল মুৰ্মু নামৰ লোক জনে নিজৰ পত্নী লখিলা মাৰ্ডি আৰু ৩ বছৰীয়া সন্তান শিৱ মুৰ্মুক লৈ দিন হাজিৰা কৰি  জীৱন যাপন  কৰিছে। এইটো পথেৰে চৰকাৰী আমোলা -বিষয়া নিতৌ কৰে অহা-যোৱা ৷ কিন্তু কোনো চৰকাৰী আমোলা-বিষয়াৰ চকুত নপৰিল দুৰ্ভোগীয়া পৰিয়ালটোৰ ওপৰত । কিন্তু শেহতীয়াভাৱে চিৰাং জিলাৰ বিজনী উলুবাৰী শাখা ছাত্ৰ সন্থাই মহানুভৱতাৰ পৰিচয় দি নিজ শ্ৰমদানেৰে এই দুখীয়া পৰিয়ালটোক টিনপাতেৰে এটি গৃহ সাঁজি দি থকাৰ ব্যৱস্থা কৰি দিয়ে । গতিকে ছাত্ৰ সন্থা মানেই ৰাজপথত আন্দোলন কৰা নহয় সংগঠন নহয় ৷ আৰ্তজনৰ কাষতো সদায় ঠিয় দি আগবঢ়াই আহিছে সহায়ৰ হাত ৷