NEWS 4 BONGAIGAON

👉#অসমৰ প্ৰাকৃতিক পৰিৱেশ আৰু জৈৱ- বৈচিত্ৰতাক সুৰক্ষিত কৰি ৰাখিবলৈ আমাৰ চৰকাৰ সম্পূৰ্ণৰূপে দায়ৱদ্ধ--- সৰ্বানন্দ সোনোৱাল

                               🔯২২ মেঃ

  #অসমৰ প্ৰাকৃতিক পৰিৱেশ আৰু জৈৱ-বৈচিত্ৰতাক সুৰক্ষিত কৰি ৰাখিবলৈ আমাৰ চৰকাৰ সম্পূৰ্ণৰূপে দায়ৱদ্ধ। বিভাগীয় মন্ত্ৰী পৰিমল শুক্লবৈদ্যক দিহিং পাটকাই অভয়াৰণ্য পৰিদর্শন কৰি সামগ্ৰিক পৰিস্থিতিৰ বুজ ল'বলৈ মই নিৰ্দেশ দিছোঁ। তেখেতৰ প্ৰতিবেদনৰ ওপৰত ভিত্তি কৰি চৰকাৰে যাৱতীয় ব্যৱস্থা গ্ৰহণ কৰিব ৷ আজি মুখ্যমন্ত্ৰী সৰ্বানন্দ সোণোৱালে ডিব্ৰুগড়ত সংবাদ মাধ্যমৰ সৈতে মত বিনিময় কৰাৰ সময়ত এই কথা উল্লেখ কৰে।

উল্লেখ্য যে মুখ্যমন্ত্ৰীগৰাকীয়ে শনিবাৰে ডিব্ৰুগড় জিলাৰ বিভিন্ন কোৱাৰেণ্টাইন কেন্দ্ৰ পৰিদৰ্শন কৰি সকলো ব্যৱস্থাৰ বিতংভাৱে বুজ লয়। এই কোৱাৰেণ্টাইন কেন্দ্ৰসমূহ ডিব্ৰুগড়ৰ এম ডি কে জি কলেজ আৰু ডি এইছ এছ কে কলেজ, ডিকমস্থিত পাৱৰ্তী দেৱী মধ্য ইংৰাজী বিদ্যালয় আৰু চাবুৱাৰ অসম বিদ্যাপীঠ উচ্চতৰ মাধ্যমিক বিদ্যালয়ত স্থাপন কৰা হৈছে। তেওঁ দেশৰ বিভিন্ন প্ৰান্তত আবদ্ধ হৈ থকা অসমৰ লোকসকলক সুকলমে ৰাজ্যখনলৈ ওভতাই অনাৰ ক্ষেত্ৰত চৰকাৰে যাৱতীয় ব্যৱস্থা গ্ৰহণ কৰিছে বুলিও সংবাদ মাধ্যমৰ আগত প্ৰকাশ কৰে। লগতে এই জটিল সময়ত ক'ভিড-১৯ৰ নীতি-নিয়ম আৰু সামাজিক দূৰত্ব মানি চলিবলৈ তেখেতে সকলোকে আহ্বান জনায়।

কোৱাৰেণ্টাইনৰ নীতি-নিৰ্দেশনা ভংগ কৰা লোকসকলে নিজৰ লগতে আন বহুতৰে জীৱনলৈ বিপদ কঢ়িয়াই আনিব পাৰে। যিহেতু ৰাজ্যবাসীক সুৰক্ষিত কৰাৰ বাবে আমি সম্পূৰ্ণৰূপে দায়ৱদ্ধ, গতিকে নিয়ম ভংগকাৰীসকলৰ বিৰুদ্ধে যাৱতীয় ব্যৱস্থা গ্ৰহণ কৰা হ'ব বুলিও মুখ্যমন্ত্ৰীয়ে মন্তব্য কৰে।