NEWS 4 BONGAIGAON

👉বঙাইগাঁৱত ৰে'লৱে মজদুৰ ইউনিয়ৰ দ্বাৰা সমাজৰ দুখীয়া শ্ৰেণীৰ লোকলৈ আগবঢ়ালে মধ্যাহ্ন ভোজন

👉সাংবাদিকসকলৰ মাজত বিতৰণ কৰিলে মাস্ক আৰু চেনিটাইজাৰ 

                             বঙাইগাঁওঃ২৯ মেঃ 

🔯চলিত লকডাউনৰ পৰিপ্ৰেক্ষিতত সমাজৰ দুখীয়া শ্ৰেণীৰ লোকসকল বিশেষকৈ ভিক্ষাবৃত্তি আৰু দিনহাজিৰা কাৰ্যত জড়িত লোকসকলৰ পানীত হাঁহ নচৰা অবস্থা হৈছে ৷ জীৱন ধাৰণৰ বাবে প্ৰয়োজনীয় মৌলিক বস্তু যেনে খাদ্যৰ বাবেও হাহাকাৰ কৰিব লগা হৈছে ৷ সেইবাবেই এইসকল লোকক সাময়িকভাবে হলেও কিছু সকাহ দিয়াৰ মানসেৰে উত্তৰ পূৱ সীমান্ত ৰেলৱে মজদুৰ ইউনিয়নৰ নিউ বঙাইগাঁও কাৰখানা শাখাই আজি প্ৰায় ২০০ লোকক মধ্যাহ্ন ভোজন কৰোৱায় ৷ 

বঙাইগাঁও চহৰৰ বিভিন্ন স্থানত থকা দৰিদ্ৰ লোকসমুহৰ মাজত খাদ্য বিতৰণ কৰাৰ লগতে মাস্ক আৰু চাবোনো বিতৰণ কৰে ৷ এই অনুষ্ঠানত শাখাৰ সভাপতি নিৰ্মল চক্ৰৱৰ্তী, সম্পাদক পবিত্ৰ বৰ্মন , কাৰ্যকৰী সভাপতি কাজল সৰকাৰ, কোষাধ্যক্ষ দিলীপ চেত্ৰীকে ধৰি কেইবাজনো বিষয়ববীয়া উপস্থিত থাকে ৷ উল্লেখযোগ্য যে মজদুৰ ইউনিয়নৰ কাৰখানা শাখাই ইয়াৰ আগতেও কেইবাদিনো এনেদৰে বঙাইগাঁওৰ দৰিদ্ৰ লোকসকলৰ মাজত  লকডাউনৰ সময়চোৱাত খাদ্য সামগ্ৰী বিতৰণ কৰি আহিছে ৷ ইপিনে এই কাৰ্যৰ মাজতে আজি কোৰোনা যুজঁৰ সেনানী সংবাদকৰ্মীসকলক সন্মান জনোৱাৰ উদ্দেশ্যে ইউনিয়নে বৃহত্তৰ বঙাইগাঁও প্ৰেছ ক্লাবৰ সদস্যসকলৰ মাজত মাস্ক আৰু চেনিটাইজাৰ বিতৰণ কৰে ৷