NEWS 4 BONGAIGAON

👉বঙাইগাঁও জিলা স্বাস্থ্য বিভাগৰ অধীনত গ্ৰামাঞ্চলত ঘৰে ঘৰে পূৰ্ণগতিত চলিছে সমূহীয়া নিৰীক্ষণ 

👉বৰ্তমানলৈকে ১,৪২,০০০ ৰ অধিক লোকৰ পৰীক্ষা সম্পন্ন

                      বঙাইগাঁও, ১২ মেঃ

🔯স্বাস্থ্য বিভাগৰ “অসম সামূহিক নিৰীক্ষণ আঁচনিৰ“ অধীনত বঙাইগাঁও জিলাৰ প্ৰত্যেক গাঁৱতে  ঘৰে ঘৰে গৈ সমূহীয়া নিৰীক্ষণৰ কাম পূৰ্ণ গতিত চলি আছে৷ যোৱা ৭ মে’ৰ পৰা আৰম্ভ হোৱা এই কাৰ্যসূচীৰ অধীনত ১১ মে’ পৰ্যন্ত জিলাখনৰ মুঠ ৫৬৩ খন গাঁৱৰ ভিতৰত ৪৫৬ খন গাঁৱৰ ৫,৮৩,৮৬৪ জন লোকক সামৰি লোৱা হৈছে৷ ৰাষ্ট্ৰীয় স্বাস্থ্য অভিযান আৰু বঙাইগাঁও জিলা স্বাস্থ্য বিভাগৰ অধীনত আশা কৰ্মী, MPW, ANM, CHO আৰু MTS (মেলেৰিয়া কাৰিকৰী পৰ্যবেক্ষকসকল)ৰ সহযোগিতাত এই আঁচনি ৰূপায়ণ কৰা হৈছে৷

এই নিৰীক্ষণৰ সময়ত মুঠ ১,৪২,৭৪৪ জনৰ পৰীক্ষা সম্পন্ন কৰা হৈছে৷ ইয়াৰ ভিতৰত জ্বৰত আক্ৰান্ত ২৭ জন, ইনফ্লুৱেঞ্জা সদৃশ ৰোগত আক্ৰান্ত ১জন পোৱা গৈছে৷ একেদৰে মেলেৰিয়াৰ বাবে Rapid diagnostic kitৰ সহায়ত পৰীক্ষা কৰা ৭ জনৰ এজনো PV+ বা PF+ পোৱা হোৱা নাই৷ ২৩জনৰ তেজৰ শ্লাইড সংগ্ৰহ কৰা হৈছে৷ আনহাতে জাপানীজ এনকেফেলাইটিছৰ কোনো সন্দেহযুক্ত ৰোগী দেখা নোপোৱাত নমুণা সংগ্ৰহ কৰা নাই৷ ক’ভিড-১৯ৰ সন্দেহত ইনফ্লুৱেঞ্জা সদৃশ ৰোগত আক্ৰান্ত এজনৰ নমুণা পৰীক্ষাৰ বাবে সংগ্ৰহ কৰা হৈছে৷ উক্ত ব্যক্তি জনক এই সময়ত গৃহ অসংক্ৰম্যকৰণৰ পৰামৰ্শ দিয়া হৈছে৷