NEWS 4 BONGAIGAON

👉ৰাজ্য চৰকাৰৰ শ্ৰমিক বিৰোধী সিদ্ধান্তৰ বিৰুদ্ধে বঙাইগাঁও- চিৰাঙত চি আই টি ইউৰ প্ৰতিবাদ 

👉ঘৰে ঘৰে সামাজিক দূৰত্ব বৰ্তাই ৰাখি শ্ৰমিকসকলে সাব্যস্ত কৰিলে প্ৰতিবাদ

   🔯News4Bongaigaon: ১১ মেঃ 

🔯ৰাজ্য চৰকাৰে শেহতীয়াভাৱে গ্ৰহণ কৰা শ্ৰমিক বিৰোধী সিদ্ধান্তৰ বিৰুদ্ধে আজি চি আই টি ইউৰ বঙাইগাঁও- চিৰাং জিলা সমিতিৰ উদ্যোগতো জিলা দুখনৰ বিভিন্ন শিল্প ক্ষেত্ৰৰ তথা অসংগঠিত ক্ষেত্ৰৰ শ্ৰমিকে নিজ নিজ ঘৰৰ পৰাই সামাজিক দূৰত্ব বৰ্তাই ৰাখি হাতে হাতে বিভিন্ন প্লেকাৰ্ডলৈ প্ৰতিবাদ সাব্যস্ত কৰে ৷ শ্ৰমিকসকলে ৰাজ্য চৰকাৰে অসমত নিৰ্দিষ্ট সময়ৰ বাবে শ্ৰমিক নিযুক্তি ব্যৱস্থা গ্ৰহণ কৰা,কামৰ সময় ৮ ঘণ্টাৰ পৰিৱৰ্তে ১২ ঘণ্টা কৰা, কাৰখানা আইন আৰু ঠিকা শ্ৰমিকৰ আইনৰ প্ৰয়োগ সংকুচিত কৰাৰ প্ৰতিবাদত চি আই টি ইউৰ বঙাইগাঁও আৰু চিৰাং জিলা সমিতিৰ উদ্যোগত জিলা দুখনত এই প্ৰতিবাদ সাব্যস্ত কৰে ৷ 

এই প্ৰতিবাদী কাৰ্যসূচী সন্দৰ্ভত চি আই টি ইউৰ বঙাইগাঁও - চিৰাং জিলা সমিতিৰ সভাপতি হৰেশ্বৰ দাসে কয় যে  কোৰোনা ভাইাছ সংক্ৰমণ বিৰোধী যুঁজত যিসময়ত দেশৰ আন সকলোৰে সৈতে ৰাজ্যখনৰ সকলো অসংগঠিত খণ্ডৰ শ্ৰমিকে লকডাউন মানি চলি পৰিয়াল চলাব নোৱাৰি অবৰ্ণনীয় সংকটৰ মাজত জীৱন অতিবাহিত কৰি আছে , তেনে সময়তে ৮ মে'ত ৰাজ্যৰ বিজেপি নেতৃত্বাধীন অসম মন্ত্ৰীসভাই গ্ৰহণ কৰা শ্ৰমিক স্বাৰ্থৰ পৰিপন্থী এই সিদ্ধান্তক চি আই টি ইউয়ে গৰিহণা দিছো ৷ চৰকাৰৰ এই শ্ৰমিক বিৰোধী সিদ্ধান্তক কেৱল চি আই টি ইউয়ে নহয় বৰং আটাইবোৰ ট্ৰেড ইউনিয়নে গৰিহণা দিছে ৷