NEWS 4 BONGAIGAON

👉বিজনী বৈদ্যুতিক সংমণ্ডলৰ কাৰ্যালয়ৰ সন্মুখত একাংশ লোকৰ দোকান নিৰ্মাণ কৰি মাটি বেদখলৰ অভিযোগ আছু তথা স্থানীয় লোকৰ

             News4Bongaigaon:১৩মেঃ 

🔯চিৰাং জিলাৰ  বিজনী -গেৰুকাবাৰী পথৰ দাঁতিৰ তথা বিজনী নতুন বাছ আস্থানৰ গাতে লাগি থকা বিদ্যুৎ বিভাগৰ কাৰ্যালয়ৰ সন্মুখত একাংশ লোকে মাটি বেদখল কৰা বুলি আছুৰ লগতে বিজনীৰ স্থানীয় লোকে অভিযোগ উত্থাপন কৰিছে ৷ উল্লেখ্য যে অসাধু চক্ৰটোৱে কেৱল মাটি বেদখল কৰাই নহয় বৰং অবৈধভাৱে দোকান গৃহৰ নিৰ্মাণ কাৰ্যও চলাই আছে ৷ ইতিমধ্যে বিজনী আছু, এপিডিচিএলৰ শাখা প্ৰৱন্ধক আৰু বিজনীৰ ৰাইজৰ মাজত ব্যাপক প্ৰতিক্ৰিয়া সৃষ্টি হৈছে । উত্থাপিত অভিযোগ মতে বিজনী পৌৰ সভাৰ চত্ৰ ছায়াতে একাংশ অসাধু চক্ৰই অবৈধভাৱে নিৰ্মাণ কৰি আছে এই দোকান গৃহসমূহ। এই নিৰ্মাণ কাৰ্য বন্ধ কৰাৰ দাবী উত্থান কৰিছে আছু লগতে  বিজনীবাসী ৰাইজে। অন্যথা ন্যায়ালয়ৰ দ্বাৰস্থ হোৱাৰ হুংকাৰো দিছে । উল্লেখ্য যে একাংশ   সুবিধাবাদী আৰু স্বাৰ্থন্বেষী লোকে নামি পৰিছে এই মাটি বেদখল কাৰ্যত ৷ বিজনী চহৰৰ মাজমজিয়াত চৰকাৰী ভূমি বেদখল কৰি এইদৰে নামি পৰিছে ব্যৱসায়ত। অভিযোগ অনুসৰি বিজনী পৌৰ সভাৰ আশীষ ধন্য তথা বিজনী পৌৰসভাৰ দ্বাৰা একাংশ ঠিকাদাৰৰ হতুৱাই বিজনীস্থিত বিদ্যুুৎ বিভাগৰ দৰে গুৰুত্বপূৰ্ণ বিভাগটোৰ কাৰ্যালয়ৰ সন্মুখত এইদৰে  অবৈধভাৱে চলাই গৈছে কেবাখনো দোকানৰ নিৰ্মাণকাৰ্য।

এইক্ষেত্ৰত বিজনী আঞ্চলিক আছুৱে বিদ্যুৎ বিভাগৰ কাৰ্যালয়ৰ সন্মুখত কেনেকৈ এই অবৈধ গৃহ সমূহ নিৰ্মাণ কৰিবলৈ সক্ষম হৈছে তাকে লৈ আশ্চৰ্য প্ৰকাশ কৰিছে ৷  যাৰ বাবে বিজনী আঞ্চলিক ছাত্ৰ সন্থা আৰু বিজনীবাসী সচেতন ৰাইজে এই নিৰ্মাণকাৰ্য বন্ধ কৰাৰ বাবে দাবী উত্থাপন কৰাৰ লগতে যিসকলে এই গৃহ সমূহ নিৰ্মাণ কৰি আছে সেই লোকৰ বিৰুদ্ধে উচ্চ পৰ্যায়ৰ তদন্ত হ'ব লাগে বুলি দাবী জনাইছে ৷ অন্যথা ন্যায়ালয়ৰ দ্বাৰস্থ হ'বলৈ বাধ্য হ'ব বুলি সংবাদ মাধ্যমৰ আগত জানিবলৈ দিয়ে। বিজনী আঞ্চলিক  ছাত্ৰ সন্থাৰ সাধাৰণ সম্পাদক সুদীপ চন্দই সংবাদ মাধ্যমৰ আগত কয় যে যদি এই বিষয়ে বিজনী প্ৰশাসন বা চৰকাৰে কোন পদক্ষেপ নলয় তেতিয়া হলে আদালতৰ দ্বাৰস্থ হবলৈ বাধ্য হ'ব। আনফালে বিষয়টো সন্দৰ্ভত বিজনীস্থিত অসম শক্তি বিতৰণ কোম্পানী পৰিসীমিত তথা APDCL ৰ শাখা প্ৰৱন্ধকে বিভাগটোৰ ভৱিষ্যতে হ'বলগীয়া বিকাশৰ স্বাৰ্থত অথবা ভৱিষ্যতে হ'ব পৰা সমস্যাৰ প্ৰতি লক্ষ্য ৰাখি বিজনী মহকুমাধিপতি আৰু বিজনী চক্ৰ বিষয়ালৈ অভিযোগ পত্ৰ দিছিল যদিও আজি লৈ প্ৰশাসনে নললে বিহীত ব্যৱস্থা। যাৰ বাবে অসাধু চক্ৰটোৱে বৰ্তমানো অবৈধভাৱে চলাই গৈছে দোকানৰ নিৰ্মাণকাৰ্য। যাৰ পৰিপ্ৰেক্ষিতত বিষয়টোৰ ওপৰত উচিত তদন্ত কৰি নিৰ্মাণকাৰ্য বন্ধ কৰাৰ দাবী জনাইছে শাখা প্ৰৱন্ধক জনে । উল্লেখ্য যে ইয়াৰ পূৰ্বতেও উক্ত এলেকাত থকা দোকানসমূূূহৰ বিৰুদ্ধে বিজনী প্ৰশাসনে কেবাবাৰো উচ্ছেদ অভিযান চলাইছিল। লগতে বাধা আৰোপ কৰিছিল দোকান দিয়াৰ বাবে । এইক্ষেত্ৰত প্ৰশাসনে এই অসাধু চক্ৰটোৰ ওপৰত কি ব্যৱস্থা গ্ৰহণ কৰে সেয়া হ'ব  লক্ষণীয় #বিষয়।