NEWS 4 BONGAIGAON

👉বিজনীত সৰ্বভাৰতীয় শ্ৰমিক সংগঠন সমূহৰ যৌথ আহ্বানত প্ৰতিবাদ দিৱস পালন

                      বঙাইগাঁওঃ২৩মেঃ 

🔯সমগ্ৰ ৰাজ্যৰ  লগতে চিৰাং জিলাৰ  বিজনীস্থিত চি পি আই (এম) কাৰ্যালয়ৰ নিকটৱৰ্তী  বল্লমগুৰি বাছ আস্থানৰ সন্মুখত শুকুৰবাৰে সৰ্বভাৰতীয় শ্ৰমিক সংগঠন সমূহৰ যৌথ আহ্বান মৰ্মে শ্ৰমিকসকলে প্ৰতিবাদ দিৱস পালন কৰে। চিটুৰ উদ্যোগত বিজনীৰ বিভিন্ন অঞ্চলৰ শ্ৰমিকসকলে  বিজনী বল্লমগুৰি বাছ আস্থানৰ সন্মুখত এই প্ৰতিবাদ দিৱসৰ কাৰ্যসূচীত অংশ গ্ৰহণ কৰে।  

প্ৰতিবাদী কাৰ্যসূচীত অংশ গ্ৰহণ কৰাসকলে পূৰ্বাঞ্চলৰ আমাজন খ্যাত বৰ্ষাৰণ্য দিহিং পাটকাই বনাঞ্চল ৰক্ষা কৰা, দিহিং পাটকাইত কয়লা খনন বন্ধ কৰা, শ্ৰম আইন সংশোধনৰ বন্ধ কৰা, পৰজাই শ্ৰমিক সকলক সামাজিক সুৰক্ষাৰ লগতে নিজ বাসস্থানত অনাৰ ব্যবস্থা কৰা, আয় নথকা পৰিয়ালক ৭,৫০০ টকাকৈ নগদ ধন দিয়াৰ ব্যবস্থা কৰাা, লকডাউনৰ ফলত মৃত্যু হোৱা শ্ৰমিক পৰিয়ালক ১০ লাখ টকাকৈ দিয়াৰ ব্যবস্থা কৰা, শ্ৰমিকৰ কামৰ সময় ৮ ঘণ্টাৰ পৰিৱৰ্তে ১২ ঘণ্টা কৰাৰ সিদ্ধান্ত বাতিল কৰা আদি দাবী সমূহ উত্থাপন কৰি প্ৰতিবাদ সাব্যস্ত কৰে । উক্ত কাৰ্যসচীত চিটুৰ বঙাইগাঁও-চিৰাং জিলা সমিতিৰ উপ সভাপতি পৰিমল চক্ৰৱৰ্তী, নিৰ্মাণ শ্ৰমিকৰ বিজনী আঞ্চলিক সমিতিৰ সম্পাদক বীৰেন হালদাৰ , ই- ৰিক্সা ইউনিয়নৰ সম্পাদক মাণিকতৰফদাৰ আদি উপস্থিত থাকে ৷