NEWS 4 BONGAIGAON

👉বিজনীত বহিঃৰাজ্যৰ পৰা অহা লোকক কোৱাৰেণ্টাইন

                       বঙাইগাঁওঃ২৩ মেঃ

🔯 ৰাজ্যত কোৰোনা মহামাৰীয়ে কালৰূপ ধাৰণ কৰাত আক্ৰান্তই ইতিমধ্যে তিনি শতাধিকৰ সংখ্যা অতিক্ৰম কৰিছে । দিনক দিনে বাঢ়িব ধৰিছে কোৰোনাত আক্ৰান্ত ৰোগীৰ হাৰ ।  কোৰোনা মহামাৰীৰ সংক্ৰমণ প্ৰতিৰোধৰ বাবে তৎপৰ হৈছে চৰকাৰ তথা জিলা প্ৰশাসনসমূহ ৷ চিৰাং জিলা প্ৰশাসনো তৎপৰ হৈ পৰিছে ৷ আনহাতে বহিঃৰাজ্যৰ পৰা অহা জিলাখনৰ লোকসকলক ৰখাৰ বাবে প্ৰশাসনে ইতিমধ্যে বিভিন্ন ঠাইনত কেইবাটাও কোৱাৰেণ্টাইন কেন্দ্ৰ স্থাপন কৰিছে ৷ জিলাখনৰ বিজনী মহকুমাতো চাৰিটা কৈ স্থানত বিজনী প্ৰশাসনে কোৱাৰেণ্টাইন কেন্দ্ৰ স্থাপন কৰিছে ।

ইতিমধ্য বিজনী শিশুকল্যাণ হাইস্কুল, ড০ বি আৰ আম্বেদকাৰ ভৱন, জাকিৰ হুছেইন পাব্লিক হাইস্কুল আৰু বিজনী ভেটাগাঁও সামূহিক স্বাস্থ্য কেন্দ্ৰকে ধৰি চাৰিটা কোৱাৰেন্টাইন চেণ্টাৰ  স্থাপন  কৰিছে । ইয়াৰে ভেটাগাঁও স্বাস্থ্য কেন্দ্ৰত শুকুৰবাৰে ছয় জনকৈ লোকক কোৱাৰেন্টাইন কৰে ।  লগতে আজি বহিঃৰাজ্যৰ পৰা অহা লোকসকলোক শিশুকল্যাণ হাইস্কুলৰ কোৱাৰেন্টাইন কেন্দ্ৰত ৰখাৰ ব্যাৱস্থা কৰে ৷ শিশুকল্যাণ হাইস্কুলত বহিঃৰাজ্যৰ পৰা অহা ১৯ জনকৈ লোকক কোৱাৰেন্টাইন কৰে বিজনী প্ৰশাসনে । বিজনীত স্থাপন কৰা ৪ টাকৈ কোৱাৰেন্টাইন কেন্দ্ৰত বৰ্তমানলৈকে সৰ্বমুঠ ২৬ জন লোক আছে ।🔯