NEWS 4 BONGAIGAON

👉 বিজনীত ড্ৰাগছসহ দুই সৰবৰাহকাৰী আটক

                         বিজনীঃ১৪মেঃ

 🔯সমগ্ৰ দেশজুৰি কোৰোনা ভাইৰাছৰ সংক্ৰমণ প্ৰতিৰোধৰ বাবে চৰকাৰে ঘোষণা কৰা  লকডাউন চলি থকাৰ সময়তো একাংশ ড্ৰাগছ সৰবৰাহকাৰীয়ে চলাই গৈছে ড্ৰাগছ সৰবৰাহৰ লগতে ড্ৰাগছৰ ব্যৱসায় ৷ এনে সময়তে বুধবাৰে নিশা চিৰাং জিলাৰ বিজনী থানাৰ অন্তৰ্গত দুতুৰীত স্থানীয় ৰাইজে ড্ৰাগছসহ দুজন সৰবৰাহকাৰীক আটক কৰে ৷ ড্ৰাগছ সৰবৰাহকাৰী দুজনৰ পৰা ১১ টা ড্ৰাগছভৰ্তি কণ্টেইনাৰো উদ্ধাৰ কৰে ৷ পাছত ৰাইজে বিজনী আৰক্ষীক খবৰ দিয়ে যদিও  আৰক্ষী ঘটনাস্থীত উপস্থিত হোৱাৰ পূৰ্বেই সৰবৰাহকাৰী দুজনে আন্ধাৰৰ সুযোগ লৈ পলায়ণ কৰে ।

 বিজনী আৰক্ষী ঘটনা স্থলিত উপস্থিত হৈ ১১টাকৈ  ড্ৰাগছ ভৰ্তি কন্টেইনাৰ পৰা  ৮৮০ মি:গ্ৰা ড্ৰগছ জব্দ কৰে । স্থানীয় ৰাইজে জনোৱা মতে সৰবৰাহকাৰী দুজনৰ নাম দিল  মহম্মদ আৰু জেহেৰুল শিকদাৰ ।  বিজনী আৰক্ষীয়ে সৰবৰাহকাৰী দুজনক আটক কৰাৰ বাবে অভিযান অব্যাহত ৰাখিছে। ইপিনে এই ঘটনাৰ  ২৪ ঘন্টা পাৰ নৌহওতেই বৃহস্পতিবাৰে চিৰাং জিলাৰ বিজনী চহৰস্থিত শংকৰদেৱ শিশু-বিদ্যা নিকেতনৰ সন্মুখত আৰক্ষীৰ অভিযানত ড্ৰাগছসহ দুজন সৰবৰাহকাৰী আটক হয় । বিজনী মহকুমা আৰক্ষী বিষয়া প্ৰকাশ মেধিৰ নেতৃত্বত যোৱা আৰক্ষীৰ দলটোৱে দুটা ড্ৰাগছ সৰবৰাহকাৰীৰ পৰা ছয়টাকৈ ড্ৰাগছভৰ্তি কণ্টেইনাৰ, এটা মোবাইল আৰু এখন ই-ৰিক্সা জব্দ কৰিবলৈ সক্ষম হয় ।

আৰক্ষীয়ে আটক কৰা সৰবৰাহকাৰী দুটাৰ নাম আকবৰ আলী(২৭) আৰু নুৰুল হক(৪০)। সৰবৰাহকাৰী দুটাৰ ঘৰ বিজনীৰ কাৱাটিকাত। জব্দকৃত ড্ৰাগছ খিনিৰ পৰিমাণ ৮৩০ মিলিগ্ৰাম।