NEWS 4 BONGAIGAON

👉তিনিগৰাকী কৃতিমানে উজ্বলালে বঙাইগাঁও জিলাৰ নাম

👉ভাৰতীয় প্ৰশাসনিক সেৱাৰ বিষয়া হোৱাৰ মন কলা শাখাত তৃতীয় স্থান প্ৰাপ্ত ফাৰহানুৰ ৰহমানৰ

                                  বঙাইগাঁওঃ ২৫ জুনঃ

 🔯বৃহস্পতিবাৰে ঘোষিত অসম উচ্চতৰ মাধ্যমিক শিক্ষা সংসদৰ দ্বাৰা আয়োজিত উচ্চতৰ মাধ্যমিক চূড়ান্ত পৰীক্ষাৰ ফলাফলত বঙাইগাঁৱৰ বঙাইগাঁও উচ্চতৰ মাধ্যমিক বিদ্যালয় ( ইংৰাজী মাধ্যম) আৰু বঙাইগাঁও মহাবিদ্যালয়ৰ তিনিগৰাকীকৈ কৃতী শিক্ষাৰ্থীয়ে তিনিটাকৈ স্থান দখল কৰি জিলাখনৰ নাম উজ্বলাবলৈ সক্ষম হৈছে ৷ ইয়াৰে কলা শাখাত বঙাইগাঁও উচ্চতৰ মাধ্যমিক বিদ্যালয় ( ইংৰাজী মাধ্যম) ৰ ছাত্ৰ ফাৰহানুৰ ৰহমানে ৰাজ্যখনৰ ভিতৰত তৃতীয় স্থান অধিকাৰ কৰাৰ লগতে একেখন বিদ্যালয়ৰে ছাত্ৰী অজস্বেতা বশিষ্ঠ গোস্বামীয়ে নৱম স্থান লাভ কৰিছে ৷ আনহাতে বাণিজ্য শাখাত বঙাইগাঁও মহাবিদ্যালয়ৰ ছাত্ৰ অৰিজিৎ সাহাই সপ্তম স্থান অধিকাৰ কৰিবলৈ সক্ষম হৈছে ৷ তিনিগৰাকীকৈ শিক্ষাৰ্থীৰ এই উল্লেখনীয় ফলাফলে জিলাবাসীক উৎফুল্লিত কৰি তুলিছে ৷


👉ভাৰতীয় প্ৰশাসনিক সেৱাৰ বিষয়া হোৱাৰ মন কলা শাখাত তৃতীয় স্থান প্ৰাপ্ত ফাৰহানুৰ ৰহমানৰ

বৃহস্পতিবাৰে ঘোষিত বহু প্ৰতিক্ষীত উচ্চতৰ মাধ্যমিক চূড়ান্ত পৰীক্ষাৰ কলা শাখাত বঙাইগাঁও উচ্চতৰ মাধ্যমিক বিদ্যালয় (ইংৰাজী মাধ্যম)ৰ ফাৰহানুৰ ৰহমানে ৰাজ্যখনৰ ভিতৰত তৃতীয় স্থান দখল কৰি সমগ্র বঙাইগাঁও জিলালৈ সুনাম কঢ়িয়াই আনিছে। বঙাইগাঁও জিলাৰ অভয়াপুৰী নগৰৰ নয়াপাৰাৰ তালেবৰ ৰহমান আৰু ফৰোজা ৰহমানৰ পুত্র ফাৰহানুৰ ৰহমানে ইংৰাজী (৯০), অলটাৰনেটিভ ইংৰাজী (৯৩), অৰ্থনীতি (৯৮), শিক্ষা (৯৫), ৰাজনীতি বিজ্ঞান (৯৫) আৰু তৰ্ক বিষয় (৯৭) ত লেটাৰ নম্বৰ অৰ্জন কৰি (সৰ্বমুঠ ৪৭৩ নম্বৰ) শতকৰা ৯৪.৬ শতাংশ নম্বৰেৰে ৰাজ্যখনৰ ভিতৰত তৃতীয় স্থান লাভ কৰিবলৈ সক্ষম হৈছে। নিতৌ ৫-৬ ঘন্টা কৈ অধ্যায়ন কৰা ফাৰহানুৰৰ সফলতাৰ আঁৰত মাক-দেউতাক, অধ্যায়ন কৰা শিক্ষানুষ্ঠানৰ শিক্ষক-শিক্ষয়ত্ৰী আৰু বন্ধু-বান্ধৱী সকলৰ অনুপ্ৰেৰণা থকাৰ কথা সংবাদ মাধ্যমৰ আগত ব্যক্ত কৰে। নিজৰ ফলাফলত সন্তুষ্ট ফাৰহানুৰে গুৱাহাটীৰ কটন বিশ্ববিদ্যালয়ত স্নাতক পাঠ্যক্ৰমত নাম ভৰ্তি কৰি ৰাজনীতি বিজ্ঞান অথবা অৰ্থনীতি বিষয়ক গুৰু বিষয় হিচাপে লৈ অধ্যায়ন কৰি ভৱিষ্যতে ভাৰতীয় প্ৰশাসনিক সেৱাৰ বিষয়া অথবা এজন প্ৰৱক্তা হোৱাৰ আশা মনত পুহি ৰাখিছে ৷ আজৰি সময়ত উপন্যাস পঢ়া, বেডমিণ্টন খেলা, গানগাই ভালপোৱা ফাৰহানুৰৰ নাছিল কোনো মোবাইল। মাতৃ ফৰোজা ৰহমানৰ মোবাইল নম্বৰটো তেওঁৰ শিক্ষা নতুবা অন্যান্য কাৰ্য্যত ব্যৱহাৰ কৰিছিল বুলিও কয় 🔯৷