NEWS 4 BONGAIGAON

👉বঙাইগাঁৱত আছুৰ প্ৰতিবাদী কাৰ্যসূচী 

                                   বঙাইগাঁওঃ ১৬ জুনঃ

 🔯দিহিং পাটকাই বৰ্ষাৰণ্যত অবৈধ কয়লা খনন বন্ধ কৰি বৰ্ষাৰণ্যখনৰ জৈৱ বৈচিত্ৰতা ৰক্ষা কৰা ,নামনি সোৱণশিৰি জলবিদ্যুৎ প্ৰল্পৰ কাম শীঘ্ৰে বন্ধ কৰা তথা বাঘজানৰ ঘটনাক সাঙুৰি আজি বঙাইগাঁও জিলা আছুই এক প্ৰতিবাদী কাৰ্যসূচী ৰূপায়ণ কৰে ৷ আছু কৰ্মীসকলে হাতে হাতে বিভিন্ন দাবী সম্বলিত প্লেকাৰ্ডলৈ জিলা আছুৰ মুখ্য কাৰ্যালয় ছহিদ ভৱনৰ সন্মুখত এই প্ৰতিবাদী কাৰ্যসূচী ৰূপায়ণ কৰে ৷ কাৰ্যসূচী ৰূপায়ণ কৰি জিলা আছুৰ সভাপতি যিনোদ নাথে সংবাদ মাধ্যমৰ আগত কয় যে সাম্প্ৰতিক সময়ত অসমৰ যি পৰিৱেশ দিহিং পাটকাং ,বাঘজান আৰু বৃহৎ নদী বান্ধ এই বিষয়কেইটাক সাঙুৰি জিলা আছুই এই প্ৰতিবাদী কাৰ্যসূচী গ্ৰহণ কৰে ৷ জিলা সভাপতিগৰাকীয়ে দিহিং পাটকাইত কেন্দ্ৰীয় চৰকাৰে অসম চৰকাৰৰ সহযোগত যি লুণ্ঠন কাৰ্য চলাইছে সেই অবৈধ কয়লা খনন কাৰ্য শীঘ্ৰে বন্ধ কৰিবলৈ দাবী জনাই দিহিং পাটকাইৰ জৈৱ বৈচিত্ৰ আৰু জীৱকূলক নিৰাপদে বাচি থাকিবলৈ দিয়ক বুলিও কয় ৷ আনহাতে বাৰিষাৰ প্ৰথম জাক বৰষুণতে নামনি সোৱণশিৰি জলবিদ্যুৎ প্ৰকল্পৰ ফলত পাহাৰ খহি পৰিছে ৷ 

গতিকে চৰকাৰক আমি জল বিদ্যুৎ প্ৰকল্পৰ নামনি অঞ্চলত বসবাস কৰা জনসাধাৰণৰ জীৱন আৰু সম্পত্তিৰ নিৰপত্তা সুনিশ্চিত কৰিবলৈ দাবী জনাইছো ৷ তাৰ পিচতহে বান্ধৰ কথা চিন্তা কৰক ৷লগতে সোৱণশিৰি জল বিদ্যুৎ প্ৰকল্পৰ ক্ষেত্ৰত বিশেষজ্ঞ সমিতিৰ পৰামৰ্শ আৰু উচ্চতম ন্যায়ালয়ৰ পৰামৰ্শ মানি চলাৰ লগতে জল বিদ্যুৎ প্ৰকল্পৰ নামনি অঞ্চলত বসবাস কৰা জনসাধাৰণৰ মতামত গ্ৰহণ কৰাৰ পিচতহে নদী বান্ধৰ কথা চিন্তা কৰিবলৈ চৰকাৰক দাবী জনায় ৷ সভাপতিগৰাকীয়ে কেন্দ্ৰীয় চৰকাৰৰ যি কোনো হঠকাৰী সিদ্ধান্তত সৰ্বানন্দ সোণোৱাল নেতৃত্বাধীন অসম চৰকাৰক হাত উজান নিদি সৎ সাহসেৰে তাৰ বিৰোধিতা কৰি অসম প্ৰেমৰ পৰিচয় দিবলৈকো আহ্বান জনায় ৷ ইয়াৰ লগতে শেহতীয়াভাৱে জনসাধাৰণে নিৰাপত্তাহীনতাত ভুগিছে বুলি কৈ যোৱা কেইদিনত অসমৰ কেইজনমান তেজল যুৱকে বিভিন্ন আততায়ীৰ হাতত প্ৰাণ দিব লগীয়া হৈছে ৷ গতিকে এইধৰণৰ ঘটনাৰ লগত জড়িতক অসম চৰকাৰে কৰায়ত্ত কৰি ফাষ্ট্ৰেক আদালতত বিচাৰ কৰি অতি শীঘ্ৰে শাস্তি বিহিব লাগে ৷ প্ৰতিবাদী কাৰ্যসূচীত জিলা আছুৰ সাধাৰণ সম্পাদক জ্যোতি শংকৰ ৰায় চৌধুৰী,বঙাইগাঁও আঞ্চলিক আছুৰ সভাপতি কুলজিৎ ৰায় ,সাধাৰণ সম্পাদক জগদ্বীশ ৰায়কে ধৰি আছু কৰ্মীসকলে অংশ গ্ৰহণ কৰে ৷ 🔯