NEWS 4 BONGAIGAON

👉বহিঃ ৰাজ্যৰ পৰা অহা বঙাইগাঁও জিলাৰ চাৰিজন ব্যক্তি কোভিড - ১৯ ত আক্ৰান্ত 

👉আটাইকেইজনেই আছিল প্ৰতিষ্ঠানিক কোৱাৰেণ্টাইনত 

                        বঙাইগাঁওঃ ৪ জুনঃ

 🔯বঙাইগাঁও জিলাৰ পুনৰ চাৰিজন ব্যক্তিৰ দেহত কোভিড- ১৯ পজিটিভ ধৰা পৰিছে ৷ কোভিড- ১৯ ত আক্ৰান্ত ব্যক্তি চাৰিজন বহিঃ ৰাজ্য মুম্বাই আৰু হাৰিয়ানাৰ পৰা আহি প্ৰতিষ্ঠানিক কোৱাৰেণ্টাইনত আছিল ৷ আক্ৰান্ত সকলৰ ভিতৰত দুজন ব্যক্তি জিলাখনৰ কীৰ্তনপাৰা উচ্চ মাধ্যমিক বিদ্যালয় কোৱাৰেণ্টাইন কেন্দ্ৰত, এজন কাঁহিবাৰী প্ৰাথমিক বিদ্যালয় কোৱাৰেণ্টাইন কেন্দ্ৰত আৰু আন এজন কাৱাদী প্ৰাথমিক বিদ্যালয় কোৱাৰেণ্টাইন কেন্দ্ৰত কোৱাৰেণ্টাইন হৈ আছিল ৷

 

উল্লেখ্য যে যোৱা ২৭ মে'ত মুম্বাইৰ পৰা ৰে'লযোগে সৃজনগ্ৰাম উন্নয়ন খণ্ডৰ অন্তৰ্গত কীৰ্তনপাৰা সজলপাৰাৰ দুজন আৰু মাণিকপুৰ উন্নয়ন খণ্ডৰ অন্তৰ্গত ১ নং কাৱাদীৰ আন এজন ব্যক্তি বঙাইগাঁওলৈ আহিছিল ৷ আনহাতে আন এজন ব্যক্তি ২৫ মে'ত ৰে'লেৰে হাৰিয়ানাৰ পৰা বঙাইগাঁওলৈ আহিছিল ৷ ব্যক্তিজন সৃজনগ্ৰাম উন্নয়ন খণ্ডৰ অন্তৰ্গত কীৰ্তনপাৰা কাঁহিবাৰী গাওঁৰ বাসিন্দা । বঙাইগাঁওলৈ অহাৰ পিচতে চাৰিওজন ব্যক্তিৰে পৰীক্ষাৰ বাবে স্বৱাব সংগ্ৰহ কৰা হৈছিল আৰু নিজ নিজ অঞ্চলৰ প্ৰতিষ্ঠানিক কোৱাৰেণ্টাইন কেন্দ্ৰত ৰখা হৈছিল ৷ কিন্তু আজি এই চাৰিওজনৰে নমুনাৰ পৰীক্ষাৰ ফলাফলত কোভিড- ১৯ পজিটিভ ধৰা পৰে ৷ পিচত বিষয়টো অৱগত হোৱাৰ লগে লগে স্বাস্থ্য বিভাগৰ দল ব্যক্তি চাৰিজন কোৱেৰেণ্টাইন হৈ থকা কেন্দ্ৰত উপস্থিত হয় আৰু উন্নত চিকিৎসাৰ বাবে তেওঁলোকক ১০৮ এম্বুলেন্সেৰে বঙাইগাওঁ অসামৰিক চিকিৎসালয়লৈ অনা হয় । উল্লখ্য যে নতুনকৈ আক্ৰান্ত চাৰিজন ব্যক্তিকে ধৰি বৰ্তমানলৈকে বঙাইগাঁও জিলাখনত কোভিড- ১৯ ত আক্ৰান্ত ব্যক্তিৰ সংখ্যা মুঠ দহজনলৈ বৃদ্ধি পালে ৷ অৱশ্যে ইয়াৰ ভিতৰত পাঁচজন ব্যক্তি ইতিমধ্যে চিকিৎসা গ্ৰহণৰ অন্তত সম্পূৰ্ণ সুস্থ হৈ উঠিছে🔯 ৷